Охири моҳи ноябр дар Душанбе даври чоруми Озмуни ҷумҳуриявии ««Тоҷикон»- оинаи таърихи миллат» баргузор мегардад

Ноябрь 17, 2023 13:15

ДУШАНБЕ, 17.11.2023. /АМИТ «Ховар»/. Охири моҳи ноябр дар шаҳри Душанбе даври чоруми Озмуни ҷумҳуриявии ««Тоҷикон»-оинаи таърихи миллат» баргузор мегардад. Даври чоруми озмун тариқи барномаи махсуси компютерӣ, ки аз ҷониби Пажуҳишгоҳи рушди маориф ба номи Абдураҳмони Ҷомии Академияи таҳсилоти Тоҷикистон таҳия гардидааст, гузаронида мешавад. Дар ин хусус ба АМИТ «Ховар» дар маркази матбуоти Вазорати маориф ва илми Ҷумҳурии Тоҷикистон хабар доданд.

Даври чоруми озмун чӣ гуна баргузор мегардад

Ба иттилои манбаъ, дар даври чорум саволҳои иштирокчиён тариқи барномаи комютерӣ дода шуда, иштирокчиён ба он шифоҳӣ ҷавоб дода, баҳои онҳоро ҳакамон тариқи комютер мегузоранд. Яъне бо мақсади шаффоф гузаронидани ин давр баҳои онҳо низ дар компютер сабт мешавад.

Ҷиҳати шаффофияти озмун назорати ҷиддӣ ва доимӣ бурда мешавад

Ҳамзамон вобаста ба баргузории озмун дар Китобхонаи миллии Тоҷикистон ҷаласаи комиссияи Озмуни ҷумҳуриявии ««Тоҷикон»- оинаи таърихи миллат» бо иштироки раиси комиссияи озмун, муовини Сарвазири Ҷумҳурии Тоҷикистон Матлубахон Сатториён доир гардид.


Муовини Сарвазири ҷумҳурӣ таъкид намуд, ки дар ҷараёни гузаронидани даври чоруми озмун бояд ба ягон хатоӣ ва камбудӣ роҳ дода нашавад, ҷиҳати баргузорӣ ва шаффофияти он назорати ҷиддӣ ва доимӣ гузаронида шавад.

Дар се даври озмун чанд нафар довталаб иштирок намуд?

Ёдовар мешавем, ки дар даври якуми озмун 140 ҳазору 787 нафар иштирок намуда, аз ин шумора 19 ҳазору 735 нафар дар даври дуюми озмун иштирок намуданд. Аз теъдоди иштирокчиёни даври дуюми он 1605 нафар ба даври сеюм роҳ ёфтанд.

Озмун соли аввал ва таҳти сарпарастии Президенти Ҷумҳурии Тоҷикистон баргузор мегардад

Озмуни ҷумҳуриявии ««Тоҷикон»-оинаи таърихи миллат» ба ифтихори 115-солагии академик Бобоҷон Ғафуров соли аввал аст, ки таҳти сарпарастии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон баргузор мегардад. Он ба дарёфти чеҳраҳои нав, наврасону ҷавонони лаёқатманд, худшиносу худогоҳ, ватандӯст ва таърихдон мусоидат менамояд.

Озмун дар байни аҳолии мамлакат, аз ҷумла хонандагони муассисаҳои таҳсилоти миёнаи умумӣ, донишҷӯёни муассисаҳои таҳсилоти ибтидоӣ, миёна ва олии касбӣ, омӯзгорони ҳамаи зинаҳои таҳсилот, кормандони фарҳангу санъат, калонсолон, намояндагони касбу кори гуногун ва дигар табақаҳои аҳолии ҷумҳурӣ, ба истиснои омӯзгорони фанни таърихи ҳамаи зинаҳои таҳсилот ва олимону муҳаққиқони соҳаи таърих доир мегардад.

Озмун бо мақсади арҷгузорӣ ба таърихи пурифтихори миллати тоҷик, омӯзиши амиқу ҳамаҷонибаи корномаҳои шоистаи ниёгони халқамон давоми таърих, тақвияти ҳисси худогоҳӣ ва худшиносии миллӣ, эҳёи ҳофизаи таърихӣ ва ба ҳамин роҳ шинохти беҳтари нақши миллати куҳанбунёду фарҳангсолори тоҷик дар рушди тамаддуни инсоният, ки бо далелҳои раднопазир ва бо такя ба сарчашмаҳои илмиву таърихӣ дар китоби мондагору пурарзиши академик Бобоҷон Ғафуров «Тоҷикон» ва дигар асарҳои таърихӣ инъикос ёфтааст, баргузор мешавад.

Барои  баргузории озмун  як миллиону чорсаду ҳаштод ҳазор сомонӣ  ҷудо гардидааст

Ёдовар мешавем, ки барои  баргузории озмун  аз ҳисоби маблағҳои фонди захиравии Президенти Ҷумҳурии Тоҷикистон, ки барои соли 2023 пешбинӣ гардидаанд, ба Дастгоҳи иҷроияи Президенти Ҷумҳурии Тоҷикистон  1 480 000 (як миллиону чорсаду ҳаштод ҳазор) сомонӣ  ҷудо гардидааст.

Зарангези ЛАТИФ,
АМИТ «Ховар»

АКС: АМИТ «Ховар» /маркази матбуоти Вазорати маориф ва илми Ҷумҳурии Тоҷикистон

Ноябрь 17, 2023 13:15

Хабарҳои дигари ин бахш

Хатмкунандагони Донишгоҳи техникии Тоҷикистон дар Корхонаи коркарди нафти Данғара бо ҷойи кор таъмин мегарданд
Ҷавонони Донишгоҳи давлатии Хуҷанд пешниҳоди Рӯзи ҷаҳонии футболро ҷонибдорӣ менамоянд
Дар Теҳрон ҷаласаи Гурӯҳи кории махсус оид ба мусоидат ба сармоягузории давлатҳои аъзои Созмони ҳамкории Шанхай доир гардид
Дар Хатлон Шурои вилоятии мутобиқсозию методӣ оид ба таълим ва тарбияи ҳуқуқии шаҳрвандон баргузор шуд
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Ҷаласаи байниидоравӣ оид ба таҳия ва пешниҳоди Барномаи миллӣ оид ба барҳамдиҳии шаклҳои бадтарини меҳнати кӯдакон дар Тоҷикистон доир гардид
МАСЛИҲАТИ МУТАХАССИС. Саидалӣ Гулов: «Дар ҳавои сард набояд корҳои башаклдарорӣ ва буриши дарахтон анҷом дода шаванд»
Дар Парлумони Тоҷикистон бо ҳайати Ҳизби Коммунистии Чин мулоқот баргузор шуд
Ба Пешвои миллат Эмомалӣ Раҳмон аз ҷониби Раиси шаҳри Душанбе Рустами Эмомалӣ лоиҳаҳои навсозии минбаъдаи пойтахт муаррифӣ гардиданд
Дар Минск вохӯрии раисони комиссияҳои марказии интихоботи Тоҷикистон ва Беларус доир шуд
Маҳмадтоир Зокирзода бо муовини Раиси Маҷлиси Шурои Давлати Қатар Ҳамда бинт Ҳассан Ал-Сулайти мулоқот намуд
Вазорати маориф ва илм платформаи рақамии «Системаи иттилоотии рушди касбии омӯзгор»-ро мавриди истифода қарор дод