Бахшида ба Рӯзи кормандони соҳаи энергетика дар ноҳияи Мастчоҳ ҳамоиш доир гардид

Декабрь 21, 2023 15:18

ДУШАНБЕ, 21.12.2023. /АМИТ «Ховар»/. Бахшида ба Рӯзи кормандони соҳаи энергетика дар Мақомоти иҷроияи ҳокимияти давлатии ноҳияи Мастчоҳ ҷамъомад баргузор гардид, хабар доданд ба АМИТ «Ховар» дар ин мақомот.

Дар ҳамоиш гуфта шуд, ки дар даврони соҳибистиқлолӣ марҳилаи наву пурвусъати соҳаи энергетика оғоз ёфта, таъмини истиқлолияти энергетикӣ яке аз ҳадафҳои стратегӣ дар мамлакат эълон гардид.

Таъкид шуд, ки дар доираи татбиқи ин ҳадафи бузург бо талошҳои созандаи Пешвои миллат дар мамлакат дар даврони соҳибистиқлолӣ неругоҳҳои хурду бузург бунёд гардиданд, ки башоратгари ояндаи дурахшони соҳаи энергетикаи Тоҷикистон мебошанд.

«Чунин суръати рушд ва дастгириҳои пайваста оид дар рушди соҳа ба кормандони соҳаи энергетика руҳу илҳоми тоза ва қудрату неруи нав ба нав мебахшанд ва онҳо баҳри вусъати корҳои созандагию бунёдкорӣ, таъмини гармию рӯшноӣ ба ҳар хонадони мамлакат софдилона саъю талош менамоянд»,- изҳор  шуд зимни ҳамоиш.

Таъкид шуд, ки кормандони соҳа бо ғайрату ирода ва донишу таҷрибаи бой дар амалӣ гардонидани яке аз ҳадафҳои стратегии мамлакат – расидан ба истиқлолияти энергетикӣ саҳм мегузоранд.

Зимни ҳамоиш ба як зумра кормандони шабакаҳои тақсимоти барқи ноҳия ва собиқадорони соҳа барои корҳои назаррас дар пешрафти соҳа бо туҳфа ва Сипосномаву Ифтихорнома қадрдонӣ гардиданд.

АКС: Мақомоти иҷроияи ҳокимияти давлатии ноҳияи Мастчоҳ

Декабрь 21, 2023 15:18

Хабарҳои дигари ин бахш

Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст
МегаФон Тоҷикистон бурди миллион сомонӣ ва туҳфаҳои дигари олиҷанобро доир менамояд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Дар Бохтар ба кӯдакони ятим ва ниёзманд либосҳои мактабию лавозимоти хониш тақдим гардид