Байни Тоҷикистон ва Чин долони нави ҳавоӣ ифтитоҳ гардид
ДУШАНБЕ, 05.12.2023 /АМИТ «Ховар»/. Тоҷикистон ва Чин ҳамкории авиатсиониро густариш медиҳанд. Далели ин ифтитоҳи долони нави ҳавоӣ байни Тоҷикистон ва Чин аст, ки имрӯз дар Душанбе бо ҳузури ҳайатҳои мақомоти авиатсионии Тоҷикистон ва Чин Созишнома ба имзо расид.
Бояд тазаккур дод, ки Созишномаи байниҳукуматии Ҷумҳурии Тоҷикистон ва Ҷумҳурии Мардумии Чин дар бораи таҳкими ҳамкорӣ аз 17 июни соли 2010 барои кушодани хати ҳавоӣ байни ду давлат заминаи ҳуқуқӣ гузошт.
Дар маросими имзои ин санад таъкид шуд, ки барои ифтитоҳи долони нави ҳавоӣ пешниҳоди Тоҷикистонро ҷониби Чин зарурӣ шуморида, нисбат ба ифтитоҳи хати нав таваҷҷуҳ зоҳир намуд. Нишастҳои судманд ва дӯстонаи роҳбарияти олии Тоҷикистон ва Чин самараи нек оварда, масъалаҳои муҳим оид ба ифтитоҳи хатҳои нави ҳавоӣ ва таъмини соҳа бо таҷҳизоти ҷавобгӯ ба стандартҳои ҷаҳонӣ, ки дар рушди соҳа ва иқтисодиёти мамлакат нақши калидӣ доранд, тақвият дода шуд.
Бо иқдоми ҷониби Тоҷикистон дар робита ба ин масъала ва мувофиқа бо Бюрои ҳаракати ҳавоии Ҷумҳурии Мардумии Чин аз 7 то 11 апрели соли равон вохӯрии ҳайати роҳбарикунандаи Агентии авиатсияи граждании назди Ҳукумати Ҷумҳурии Тоҷикистон бо масъулини Авиатсияи граждании Чин гуфтушунид баргузор намуд, ки дар он марҳилаи ниҳоии раванди ба имзо расидани ин созишнома тақвият ёфт.
Дар доираи тадбирҳои андешида КВД «Тоҷикаэронавигатсия» барои ифтитоҳи хати нави ҳавоӣ дар ҳудуди Ҷумҳурии Тоҷикистон низом ва таҷҳизоти зарурӣ, аз қабили DME/DME, SSR MLAT ва якчанд низоми муосири соҳаро харидорӣ ва насб намуд, ки онро метавон қадами муассир барои расидан ба ҳадаф арзёбӣ намуд.
Инчунин низоми ADS-B, ки тавоноии бинишро дар баландии 10 ҳазору 100 метр доро мебошад, насб гардид. Ҳамзамон байни Ҷумҳурии Тоҷикистон ва Ҷумҳурии Мардумии Чин низоми навигатсионии хусусияти RNP-4 истифода мешавад, ки вобаста бо ҳамоҳангии Ташкилоти байналмилалии авиатсияи гражданӣ (ИКАО) то соли 2025 низоми навигатсионии нави RNP-4 ва RNP-2 иваз хоҳад шуд.
Бояд тазаккур дод, ки ифтитоҳи долони нави ҳавоӣ байни Тоҷикистон ва Чин ба баромадани Тоҷикистон аз бунбасти коммуникатсионӣ, ҷалби парвозҳои транзитӣ, рушди соҳаи саноат, сайёҳӣ, ҷалби ширкатҳои хориҷӣ ба фазои Ҷумҳурии Тоҷикистон мусоидат намуда, шумораи парвозҳои байналмилалиро васеъ ва робитаи авиатсиониро бо ширкатҳои хориҷӣ қавитар менамояд.
АКС: КВД «Тоҷикаэронавигатсия»
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
