Дар Донишкадаи давлатии санъати тасвирӣ ва дизайни Тоҷикистон корҳои эҷодӣ ба намоиш гузошта шуданд
ДУШАНБЕ, 18.12.2023 /АМИТ «Ховар»/. Дар Донишкадаи давлатии санъати тасвирӣ ва дизайни Тоҷикистон намоиши корҳои эҷодии магистрантон баргузор шуд. Дар ин хусус ба АМИТ «Ховар» мудири бахши магистратура, аспирантура ва докторантураи донишкада Фирӯз Ҳаитов хабар дод.
Дар намоиш маҷмуи корҳои эҷодии магистрантони ихтисосҳои дизайни костюм ва газвор, мусаввирии дастгоҳӣ, санъати ороиши амалӣ ва дизайни дохили бино, дар маҷмуъ зиёда аз 40 кори эҷодии баландмазмун ҳамчун маҳсули заҳмати шогирдони бахш ба маърази тамошо гузошта шуд.
Намоиши корҳои эҷодии магистрантони донишкада нишонаи таваҷҷуҳи хоссаи роҳбарияти олии мамлакат ба рушди соҳа буда, дар ин замина тайёр намудани мутахассисони баландпояи соҳаи санъати тасвирӣ ва дизайн баҳри таъмини кадрҳои илмӣ ва илмии педагогӣ дар саросари ҷумҳурӣ яке аз ҳадафҳои асосии раёсати Донишкадаи давлатии санъати тасвирӣ ва дизайни Тоҷикистон ба ҳисоб меравад.
Дар намоиш ёдовар гардид, ки имрӯз дар бахши магистратура, аспирантура ва докторантураи Донишкада қариб 70 магистрант аз рӯйи 7 ихтисос ба омӯзиш фаро гирифта шудаанд. Дар ин бахш барои пешбурди фаъолияти таълимӣ, илмӣ ва эҷодии магистрантон беҳтарин мутахассисони варзидаи соҳаи санъати тасвирӣ ва дизайн, аз қабили арбобони ҳунари Тоҷикистон, докторони илм, профессорон, номзадони илм, дотсентон ва муаллимони калон ҷалб гардида, дар тарбия, роҳбаладӣ ва роҳнамоии магистрантон дар самти илму эҷод саҳми шоён мегузоранд.
АКС: Донишкадаи давлатии санъати тасвирӣ ва дизайни Тоҷикистон
СИНАМОИ ТОҶИК ДАР 35 СОЛИ ИСТИҚЛОЛИ ДАВЛАТӢ. Дар ин давра беш аз 300 филм ба навор гирифта шудааст
Пешвои миллат Эмомалӣ Раҳмон: «24 ёдгории таърихию фарҳангии Тоҷикистон ба Феҳристи мероси моддии ҷаҳонии ЮНЕСКО сабт гардидааст»
Президенти Тоҷикистон: «Мо барои арҷгузорӣ ба арзишҳои асили тамаддуни тоҷикону форсизабонон иқдомоти муассирро амалӣ намудем»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
