Дар Душанбе оид ба ширкатҳои фаромиллӣ ва ҷалби онҳо ба шарикии иҷтимоӣ омӯзиш гузаронида шуд
ДУШАНБЕ, 18.12.2023 /АМИТ «Ховар»/. Бо ибтикори Федератсияи иттифоқҳои касабаи мустақили Тоҷикистон дар якҷоягӣ бо Ташкилоти Байналмилалии Меҳнат барои мутахассисони федератсия ва роҳбарони соҳавии иттифоқҳои касаба дар мавзуи «Ширкатҳои фаромиллӣ ва ҷалби онҳо ба шарикии иҷтимоӣ: ҳолат ва дурнамо» омӯзиши ҷумҳуриявӣ баргузор шуд. Дар ин хусус АМИТ «Ховар» бо истинод ба Федератсияи иттифоқҳои касабаи мустақили Тоҷикистон хабар медиҳад.
Дар ифтитоҳи омӯзиш Раиси Федератсияи иттифоқҳои касабаи мустақили Тоҷикистон ва мутахассиси калони Бюрои Ташкилоти Байналмилалии Меҳнат дар шаҳри Москва оид ба ҳадафҳои баргузории он ибрози андеша намуданд.
Дар омӯзиш асосан масоили таҳлили вазъи кунунии муколамаи иҷтимоӣ дар коллективҳои меҳнатии ширкатҳои фаромиллии соҳаҳои мухталифи иқтисодии Ҷумҳурии Тоҷикистон, меъёрҳои байналмилалии меҳнат ва тавсияҳои Ташкилоти Байналмилалии Меҳнат оид ба татбиқи онҳо, таҷриба ва амалия, ширкатҳои фаромиллӣ ва ҳифзи иҷтимоии кормандон, таҷрибаи ширкатҳои муштарак дар танзим ва сатҳи татбиқи муколамаи иҷтимоӣ дар корхона, ҳифз ва бехатарии меҳнат, масъалаҳои татбиқи меъёрҳои қонунгузории меҳнат баррасӣ гардиданд.
Иброз гардид, ки ташкилоти иттифоқҳои касабаи ҷумҳурӣ сарфи назар аз мушкилоту монеаҳои мавҷуда барои ба шарикии иҷтимоӣ ҷалб намудани корфармоёни ширкатҳои фаромиллӣ кори мақсаднокро пеш мебаранд.
АКС: Федератсияи иттифоқҳои касабаи мустақили Тоҷикистон
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
