Дар Кӯлоб бахшида ба 29-солагии таъсиси Ҳизби Халқии Демократии Тоҷикистон конференсия баргузор шуд

Декабрь 10, 2023 16:46

ДУШАНБЕ, 10.12.2023 /АМИТ «Ховар»/. Дар Маркази ҷавонони шаҳри Кӯлоб таҳти унвони «Ҳизбе, ки ҳаст кору маромаш ба коми халқ… » бахшида ба 29-солагии таъсиси Ҳизби Халқии Демократии Тоҷикистон конференсияи ҳизбӣ баргузор шуд. Дар ин хусус ба АМИТ «Ховар» дар Кумитаи иҷроияи Ҳизби Халқии Демократии Тоҷикистон дар шаҳри Кӯлоб хабар доданд.

Дар конференсия иштирокдорон оид ба таърихи таъсиси Ҳизби Халқии Демократии Тоҷикистон ибрози андеша намуданд. Гуфта шуд, ки Ҳизби Халқии Демократии Тоҷикистон зодаи истиқлоли ҷумҳурӣ буда, аз умқи дили мардум реша мегирад ва он ҳимояи манфиатҳои халқро ҳадафи асосии худ қарор дода, барои саодати халқ ва ободии Ватан саъю талош меварзад.

Ҳизби Халқии Демократии Тоҷикистон бо ташаббус ва тавсияву пешниҳодоти Раиси Ҳизби Халқии Демократии Тоҷикистон муҳтарам Эмомалӣ Раҳмон тавонист мардумро муттаҳид намояд, волоияти қонунро эътироф намуда, масъулияти пешбарии ҷомеаро ҷасурона ба уҳда гирад ва дар муддати кӯтоҳи таърихӣ ҳамчун неруи бузурги сиёсии ҷумҳурӣ ҷонибдори гуногунандешӣ, озодии виҷдон, тарафдор ва ҳимоятгари ҳокимияти халқ гардад.

Мақсади асосӣ аз созмон додани Ҳизби Халқии Демократии Тоҷикистон – ин муттаҳид намудани тамоми неруи пешқадам ва тавонои ҷумҳурӣ ба хотири барпо намудани давлати демократӣ, ҳуқуқбунёд, дунявӣ, ҷомеаи аз ҷиҳати иқтисодӣ ва иҷтимоӣ мутараққӣ аст, ки манфиатҳои шаҳрвандони Тоҷикистонро ҳимоя намуда тавонад.

Дар конференсия ба фаъолон ва ғолибони озмунҳои «Иншои беҳтарин», «Расми беҳтарин», «Волейбол», ки ба истиқболи 29 – солагии таъсиси Ҳизби Халқии Демократии Тоҷикистон доир гардида буд, диплому сипосномаҳо, мукофотҳои пулии Кумитаи иҷроияи Ҳизби Халқии Демократии Тоҷикистон дар шаҳри Кӯлоб тақдим гардиданд.

Баҳри болидахотирии иштирокдорон дастагули савту наво аз тарафи ташкилоти ибтидоии ҳизбии «Фарҳанги шаҳр» ва «Фалак» пешкаш гардид.

АКС: Кумитаи иҷроияи Ҳизби Халқии Демократии Тоҷикистон дар шаҳри Кӯлоб

Декабрь 10, 2023 16:46

Хабарҳои дигари ин бахш

Даври дуюми Фестивал-озмуни «Андалеб-2025» дар ноҳияи Рӯдакӣ аз рӯйи 12 номинатсия доир шуд
Дар ноҳияи Ёвон хонандагону омӯзгорон суханронии Сарвари давлатро ба муносибати Рӯзи дониш ва Дарси сулҳ тамошо карданд
Дар муассисаҳои таълимии вилояти Суғд соли нави таҳсил бо тамошои суханронии Пешвои миллат ба муносибати Рӯзи дониш оғоз гардид
Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст