Дар Мастчоҳ корҳои таъмиру омодасозии иншооти обрасонӣ ба мавсими нав идома доранд
ДУШАНБЕ, 23.12.2023 /АМИТ «Ховар»/. Дар ноҳияи Мастчоҳ дар пойгоҳҳои обкашии «Янтоқ-1» ва «Дилварзин‐1» ҷараёни корҳои таъмиру омодасозии иншооти обрасонӣ ба мавсими нав идома доранд. Дар ин хусус АМИТ «Ховар» бо истинод ба Хадамоти матбуоти Раиси вилояти Суғд хабар медиҳад.
Дар ноҳияи Мастчоҳ Раиси вилояти Суғд бо пойгоҳҳои обкашӣ ва ҷараёни корҳои таъмиру омодасозии иншооти обрасонӣ ба мавсими нав шинос гардид.
Корҳои таъмиру тармими иншооти соҳа моҳи октябр оғоз ёфта, дар ҳамаи 56 дастгоҳи обкашии ноҳия идома доранд. То имрӯз муҳаррикҳои дастгоҳҳои обкашӣ аз таъмир бароварда шуда, барои таъмини таҷҳизоти зарурии иншооти гидротехникӣ аз ҷониби мақомоти иҷроияи ҳокимияти давлатии вилоят маблағҳои зарурӣ ҷудо шудаанд.
Дар ноҳия ҳамзамон тоза намудани 32 км канал ба нақша гирифта шуда, то имрӯз дар 10 км корҳо ба анҷом расидаанд. Барои иҷрои корҳо аз Идораи беҳдошти замин ва обёрии вилоят низ техникаи зарурӣ равона шудааст.
Раиси вилоят барои пурра ба анҷом расонидани корҳои омодагӣ ва таъмири дастгоҳҳои обкашӣ ба масъулин супоришҳо дода, роҳбарияти идораҳои соҳавиро ба ҳавасманд намудани кормандони соҳаи обрасонӣ вазифадор намуд.
Сипас, роҳбари вилоят бо фаъолияти гармхонаҳои ноҳия шинос шуда, барои дар муҳлати муқарраршуда кишту парвариш намудани маҳсулоти кишоварзӣ ва таъмини саривақтии бозорҳо бо маҳсулоти тару тоза супоришҳо дод.
Ҳамзамон дар ноҳияи Мастчоҳ Раиси вилоят бо ҷараёни истеҳсолот дар корхонаи ресандагии «Арвис Зелал Текстайл» шинос шуд.
Дар корхона дар айни замон қариб 300 зану духтар бо кор таъмин гардида, ояндаи наздик боз 100 нафари дигар соҳиби ҷойи кор ва маоши хуб мешаванд.
«Арвис Зелал Текстайл» дар натиҷаи тадбирандешиҳои саривақтии Мақомоти иҷроияи ҳокимияти давлатии вилоят ва ноҳияи Мастчоҳ бо дастгирии Ҳукумати мамлакат ва бо ташаббуси соҳибкорони Тоҷикистон ва Туркия пас аз солҳои бозистӣ ба кор андохта шуда, дар корхона коркарди нахи пахта ба роҳ монда шудааст.
Корхона бо таҷҳизоти замонавии истеҳсоли давлатҳои пешрафта муҷаҳҳаз буда, давоми сол муваффақона ришта истеҳсол менамояд.
«Арвис Зелал Текстайл» дар як сол то 5000 тонна пахтаро коркард ва аз он ришта истеҳсол намуда, маҳсулот содирот мешавад. Соли равон қариб 3000 тонна пахта коркард шудааст.
АКС: Хадамоти матбуоти Раиси вилояти Суғд
Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Дар Душанбе таҳкими ҳамкорӣ вобаста ба конфронси СИТЕС баррасӣ шуд
Шуруъ аз 16 сентябр дар масири Сиан-Душанбе парвозҳои мустақими ҳавоӣ оғоз мегарданд
Тоҷикистон ва Иттиҳоди Аврупо ҳамкориро дар соҳаи энергетика ва захираҳои об тақвият медиҳанд
Сарвазири мамлакат Қоҳир Расулзода дар ноҳияи Кӯшониён бо ҷараёни корҳои созандагӣ ва хоҷагидорӣ шинос шуд
Сиёсати Тоҷикистон дар самти идоракунии ҳамгироёнаи захираҳои об дар Шветсия муаррифӣ карда шуд
Бонки аврупоии таҷдид ва рушд барои таҷдиди низоми нақлиёти шаҳри Душанбе маблағ ҷудо менамояд
Дар Минтақаи озоди иқтисодии «Данғара» татбиқи лоиҳаҳои муштарак бо сармоягузорони Чин баррасӣ карда шуд
Дар Неругоҳи барқи обии «Роғун» роботи махсуси кафшерӣ ба истифода дода шуд
Роҳҳои афзоиш додани ҳаҷми истеҳсол ва коркарди нахи пахта дар Тоҷикистон баррасӣ гардид
Дар Чин масъалаи вазъи заминҳои шӯр ва ишқордор баррасӣ шуд
Ангури хуштаъми Тоҷикистон дар бозорҳои шаҳри Самара ба фурӯш гузошта шудааст
