Эҳтиёт, пиротехника! Инро на танҳо фурӯшандагон, балки истифодабарандагон низ бояд ба хотир гиранд
ДУШАНБЕ, 11.12.2023 /АМИТ «Ховар»/. Мақомоти ҳифзи ҳуқуқи Тоҷикистон ҷиҳати пешгирӣ аз паҳншавии маводи пиротехникии мамнуъ ва мусодираи маводи таркандае, ки аз ҷониби аҳолӣ ғайриқонунӣ нигоҳ дошта мешаванд, тадбирҳои зарурӣ меандешанд. Дар ин хусус Вазорати корҳои дохилии Тоҷикистон иттилоъ додааст.
«Дар натиҷаи гузаронидани чорабиниҳои фаврӣ-ҷустуҷӯӣ аз ҷониби кормандони милитсия ду ҷавони 16-солаи сокини Конибодом ҳамчун гумонбар дар муомилоти ғайриқонунии маводи пиротехникӣ дастгир гардиданд», — хабар додааст манбаъ.
Аз наврасон 7 ҳазору 520 адад маводи таркандаи тамғаи «Трения» дарёфт ва мусодира гардид. Тибқи ин далел тафтиш идома дорад.
Воридоти маводи тарканда ба ҷумҳурӣ, инчунин истеҳсол ва истифодаи он 15 сол инҷониб манъ мебошад. Сабаби андешидани чунин тадбир соли 2008 он буд, ки истифодаи маводи пиротехникӣ баъзан ба таври фалокатбор анҷом меёбад, пеш аз ҳама, ин сӯхтор, зарар дидани одамон, ихтилоли равонӣ ва нороҳатии зиёд барои пиронсолон ва одамони гирифтори бемориҳои дилу раг мебошад.
Қобили тазаккур аст, ки барои ғайриқонунӣ ворид намудан ба қаламрави Ҷумҳурии Тоҷикистон, истеҳсол, нигоҳдорӣ, фурӯш, ба шахси дигар додани ҳуқуқи моликият ва истифодаи маҳсулоти пиротехникӣ ҷарима ба андозаи аз 100 то 500 нишондиҳанда барои ҳисобҳо ё маҳрум сохтан аз озодӣ ба муҳлати ҳадди ақалл то 2 сол пешбинӣ шудааст.
Бо вуҷуди ин, ҳамасола дар остонаи таҷлили соли нав мақомоти ҳуқуқ маводи пиротехникӣ мусодира менамоянд.
Азиза ИКРОМ,
АМИТ «Ховар»
АКС: Вазорати корҳои дохилии Тоҷикистон
«САМУРАЕ, КИ ШАМШЕР НАДОРАД». Асари нависандаи ҷопонӣ тарҷума ва нашр гардид
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
Кишоварзони ноҳияи Зафаробод дар беш аз 10 ҳазор гектар пунбадона кишт намуданд
Дар Тоҷикистон беш аз 11 ҳазор гектар шолӣ кишт шудааст
Дар «Ҳамсафар» 300 нафар хонандагон ба истироҳат ҷалб гардиданд
Имрӯз дар водиҳои Тоҷикистон ҳаво то 43 дараҷа гарм мешавад
Дар назди 4 муассисаи таълимӣ ноҳияи Рӯдакӣ хонаи хизматии омӯзгорон бунёд карда мешавад
Дар Тоҷикистон корҳои омодагӣ барои баргузории Фестивали бозиҳои варзиши миллӣ оғоз гардиданд
Ҷаласаи 6-уми роҳбарони вазорату идораҳои давлатҳои аъзои Созмони ҳамкории Шанхай оид ба ҳифзи муҳити зист доир шуд
Имрӯз дар Тоҷикистон чангу ғубор ба амал меояд
Бо мақсади тақвияти устувории шаҳрҳо ба хавфи офатҳо ва тағйирёбии иқлим дар Осиёи Марказӣ машварат доир гардид
«ТОҶИКИСТОН, БА ПЕШ!». Дар шаҳри Ҳисор ташкилоти ибтидоии нави Ҳизби Халқии Демократии Тоҷикистон таъсис дода шуд
