Имрӯз дар Тоҷикистон борони кӯтоҳмуддат ба амал меояд

ДУШАНБЕ, 26.12.2023 /АМИТ «Ховар»/. Имрӯз дар ҷумҳурӣ ҳавои тағйирёбанда пешгӯӣ шуда, рӯзона борони кӯтоҳмуддат ба амал омада, туман мефарояд. Дар ноҳияҳои доманакӯҳ борону барф ба амал меояд. Ҳарорат рӯзона ба 14+18 дараҷа мерасад. Дар ин хусус АМИТ «Ховар» бо истинод ба Агентии обуҳавошиносӣ хабар медиҳад.

Дар ғарби Вилояти Мухтори Кӯҳистони Бадахшон ҳавои тағйирёбанда, дар шарқи вилоят бебориш пешгӯӣ мешавад. Дар ғарби вилоят ҳаво шабона бебориш шуда, рӯзона дар баъзе ноҳияҳо борону барф ба амал меояд. Шамол аз самти шарқ бо суръати 7-12 метр дар як сония мевазад. Ҳаво дар ғарб шабона 7-12 дараҷа хунук, рӯзона 4+9 дараҷа гарм, дар шарқ шабона 19-24 ва рӯзона 0-5 дараҷа хунук мешавад.

Дар вилояти Суғд ҳавои тағйирёбанда, дар водиҳо бебориш пешгӯӣ шуда, дар ноҳияҳои алоҳида борон ва барф ба амал меояд. Дар баъзе ноҳияҳо туман мефарояд. Шамол аз самти шарқ бо суръати 5-10, дар баъзе ҷойҳо 17-22 метр дар як сония мевазад. Ҳаво дар водиҳо шабона аз 1+6 ва рӯзона 8+13 дараҷа гарм, дар ноҳияҳои кӯҳӣ шабона 1-6 дараҷа хунук ва рӯзона 4+9 дараҷа гарм мешавад.

Дар вилояти Хатлон ҳавои тағйирёбанда шуда, рӯзона дар баъзе ноҳияҳо борони кӯтоҳмуддат ба амал меояд. Дар ноҳияҳои доманакӯҳӣ шабона ҳавои бебориш дар назар буда, рӯзона борону барф ба амал меояд. Дар баъзе ноҳияҳо туман мефарояд. Шамол аз самти шарқ бо суръати 7-12 метр дар як сония мевазад. Ҳаво дар водиҳо шабона аз 1+6 дараҷа гарм, рӯзона 13+18, дар доманакӯҳҳо шабона 0+5 ва рӯзона 10+15 дараҷа гарм мешавад.

Дар ноҳияҳои тобеи ҷумҳурӣ ҳавои тағйирёбанда шуда, рӯзона бебориш пешгӯӣ шуда, шабона дар ноҳияҳои алоҳида борону барф ба амал меояд. Дар баъзе ноҳияҳо туман мефарояд. Шамол аз самти шарқ бо суръати 7-12 метр дар як сония мевазад. Ҳаво дар водиҳо шабона 1+6 ва рӯзона 14+19 дараҷа, дар ноҳияҳои кӯҳӣ ҳаво шабона аз 1 дараҷа хунук то 4 дараҷа гарм, рӯзона 6+11 дараҷа гарм мешавад.

Дар Душанбе ҳавои тағйирёбанда ва шабона бебориш пешгӯӣ шуда, рӯзона борони кӯтоҳмуддат ба амал омада, туман мефарояд.  Шамол аз самти шарқ бо суръати 5-10 метр дар як сония мевазад. Ҳаво шабона 5+7 дараҷа гарм ва рӯзона 12+14 дараҷа гарм мешавад.