Масолеҳи сохтмонии истеҳсолнамудаи корхонаи навбунёди «Моҳир инвест»-и ноҳияи Ёвон ба меъёрҳои байналмилалӣ ва ҷаҳонӣ мутобиқ мебошад

Декабрь 17, 2023 14:01

ДУШАНБЕ, 17.12.2023 /АМИТ «Ховар»/. Дар доираи эълон шудани солҳои 2022-2026 — Солҳои босуръати рушди саноат ва ба муносибати 35 — солагии Истиқлоли давлатии Ҷумҳурии Тоҷикистон аз аввали соли равон танҳо дар ноҳияи Ёвони вилояти Хатлон 10 коргоҳ ва як корхонаи боиқтидори саноатӣ бо таъсиси зиёда аз 200 ҷойи кори доимӣ сохта, ба истифода дода шуд.

Ёдовар мешавем, ки дар доираи сафари кории Президенти Ҷумҳурии Тоҷикистон муҳтарам Эмомалӣ Раҳмон ба вилояти Хатлон 15 декабри соли равон дар минтақаи саноатии ноҳияи Ёвон корхонаи истеҳсоли масолеҳи сохтмонии Ҷамъияти дорои масъулияти маҳдуди «Моҳир инвест» мавриди истифода қарор дода шуд.

Акнун, дар минтақаи саноатии Ёвон гаҷкартон бо профилу васлакҳои металлӣ, сақфҳои гаҷӣ (армстронг) ва хокаҳои сохтмонӣ (шпаклёвка ва штукатурка) истеҳсол карда мешаванд.

Иқтидори истеҳсолии корхона дар як сол 30 миллион метри мураббаъ гаҷкартон мебошад. Хатҳои муосири технологӣ аз Ҷумҳурии Олмон ва Ҷумҳурии Мардумии Чин дастрас гардида, рафти кори хатҳои истеҳсолӣ пурра аз ҷониби мутахассисони тоҷик идора мешавад.

Дар корхонаи нави истеҳсолӣ чор намуд гаҷкартон бо андозаи 1 метру 20 сантиметр паҳноӣ ва 2 метру 50 сантиметр дарозӣ истеҳсол мешаванд. Гаҷкартонҳои корхонаи маҳалӣ ба намӣ ва гармӣ тобовар буда, барои деворҳои байниҳуҷравӣ ва ороиши сақфи бинои иншооти гуногун истифода мегарданд.

Корхона иқтидор дорад дар як сол 200 ҳазор тонна хокаҳои сохтмонии аълосифат истеҳсол намоянд. Инчунин дар корхона сақфҳои гаҷӣ (армстронг) бо иқтидори 2 миллиону 400 ҳазор дона дар як моҳ истеҳсол мешаванд. Сақфҳои гаҷӣ бо андозаи 60 ба 60 сантиметр омода мешаванд. Ин навъи маҳсулот барои рӯйпуш намудани сақфи биноҳои истиқоматию маъмурӣ ва маишию хизматрасонӣ бо истифода аз профилу васлакҳои металӣ пешбинӣ гардидааст.

Дар корхона истеҳсоли 10 намуд профилу васлаҳои металлӣ низ амалӣ шудааст. Дар ин хати технологӣ имкон аст, ки дар як моҳ 32 тонна профилу васлакҳои металӣ истеҳсол шаванд. Тамоми номгӯи масолеҳи сохтмонии истеҳсолнамудаи корхонаи навбунёди саноатӣ ба меъёрҳои байналмилалӣ ва ҷаҳонӣ мутобиқ мебошад.

Сифати ҳама намуди маҳсулоти истеҳсолнамудаи Ҷамъияти дорои масъулияти маҳдуди «Моҳир инвест» дар озмоишгоҳ санҷида мешавад. Озмоишгоҳи корхона бо таҷҳизоти муосири соҳавӣ муҷаҳҳаз мебошад, ки мутахассисони касбӣ бо истифода аз дастгоҳҳо сифати маҳсулотро дақиқ санҷида, баъдан барои истифода дар истеҳсолот пешниҳод менамоянд.

АКС: Хадамоти матбуоти Президенти ҷумҳурии Тоҷикистон/ АМИТ «Ховар»

Декабрь 17, 2023 14:01

Хабарҳои дигари ин бахш

Дар Душанбе масъалаи таъмини бехатарии авиатсионии авиатсияи гражданӣ дар фурудгоҳҳои Тоҷикистон баррасӣ гардид
Дар Намоишгоҳи байналмилалии «KIWIE – 2025» занони тоҷик сазовори 10 медал гардиданд
Президенти Ҷумҳурии Тоҷикистон Эмомалӣ Раҳмон бо рафти сохтмони роҳи мошингард аз дарвозаи Ғарбӣ то маҳаллаи Чортути шаҳри Душанбе шинос шуданд
Дар Душанбе Маркази фанноварии Эрону Тоҷикистон таъсис дода мешавад
Зимбабве таҷрибаи Тоҷикистонро дар самти истифодаи манбаъҳои барқароршавандаи энергия истифода менамояд
Сарвари давлат Эмомалӣ Раҳмон бо корҳои сохтмонӣ дар Варзишгоҳи миллии Тоҷикистон дар шаҳри Душанбе шинос шуданд
Пешвои миллат Эмомалӣ Раҳмон дар ноҳияи Синои шаҳри Душанбе бо корҳои сохтмонӣ дар Чойхонаи миллӣ шинос шуданд
Байни Тоҷикистон ва Арабистони Саудӣ ҳамкорӣ дар истифодаи устувори захираҳои об тақвият меёбад
Иштирокдорони Конфронси байналмилалии сатҳи баланд оид ба ҳифзи пиряхҳо тавассути VR айнакҳо пиряхҳои Тоҷикистон ва ҷаҳонро тамошо намуданд
Дар Рашт ҷаласаи комиссияи корӣ оид ба истифодаи неруи барқ доир гардид
Соҳибкорзан Зарринаи Сафаралӣ: «Дастрасӣ ба гранти президентӣ омили пешрафти соҳибкории занон аст»
Дар Душанбе роҳҳои нави ҳамкории иқтисодӣ байни Тоҷикистон ва Вилояти Мухтори Синзян-Уйғури Чин баррасӣ гардиданд