МегаФон Тоҷикистон тарофаи «Биё! Бисоз Life»-ро нав намуд
ДУШАНБЕ, 15.12.2023 /АМИТ «Ховар»/. МегаФон Тоҷикистон тарофаи «Биё! Бисоз Life»-ро, ки имкони мустақилона сохтани бастаи хизматрасонии алоқаро фароҳам меорад, нав намуд. Муштариён дар интихоби ҳаҷми дақиқи телеком-хизматрасониҳо озодтар шуда, ин имконият миқдори роҳҳои дастраси ин тарофаро хеле зиёд намуд. Дар баробари ин, миқдори зиёдтарини гигабайтҳои интернет панҷ маротиба афзоиш ёфт. Сохтани тарофаи худ бо ёрии калкулятор дар замимаи мобилии «МегаФон Life» имконпазир аст.
Тарзи сохтани тарофаи махсус хеле осон аст. Бо 50 сомонӣ дар як моҳ муштарӣ бастаи ибтидоии иборат аз зангҳои бемаҳдуд дар дохили шабака, 50 дақиқаи зангҳо ба рақамҳои операторони дигари Ҷумҳурии Тоҷикистон ва 10 Гб интернетро ба даст меорад. Агар дар ин баста чизе камӣ намояд – масалан, дақиқаҳо ё интернети бештар лозим ояд, истифодабаранда опсияҳои заруриро мустақилона илова менамояд. Ин корро метавон тавассути калкулятори замимаи «МегаФон Life» бо гузариш ба «Тарофаи ман» – «Дастрас» – «Биё! Бисоз Life» анҷом дод.
Ҳамин тариқ, агар муштарӣ хоҳиш дошта бошад, ки ба бастаи ибтидоӣ 100 SMS дар Ҷумҳурии Тоҷикистон ва 30 Гб интернетро дохил созад, ӯ бояд иловатан 48 сомонии дигар пардохт намояд.
Хоҳишу дархостҳои муштариёнро ба назар гирифта, оператор тарофаи «Биё! Бисоз Life»-ро аз нуқтаи назари миқдори бастаҳои иловагии хизматрасониҳо боз ҳам муносибтару мувофиқтар намуд. Агар қаблан масалан пайвасткунии 50 ё 100 дақиқаи зангҳо ба шабакаҳои дигари Ҷумҳурии Тоҷикистон дастрас буд, акнун инчунин варианти миёна дар ҳаҷми 75 дақиқа дастрас мебошад.
Интихоби вариантҳои пайвасткунии интернет-трафик то дараҷаи назаррас васеъ шудааст. Қаблан ба бастаи ибтидоӣ аз ҳама зиёд 29 Гб-ро илова намудан мумкин буд, ҳоло иловакунии то 140 Гб трафик имкон дорад. Ҳамагӣ айни ҳол 35 варианти ҳаҷми трафики интернет мавҷуд мебошад, ки онҳо танзимоти тарофаро бо назардошти ниёзу талаботи муштарии мушаххас боз ҳам дақиқ менамоянд.
«Тарофаи навшуда шояд барои истифодабарандагони интернет пешниҳоди беҳтарин бошад: акнун интихоби ҳаҷми трафик бо дақиқияти то якчанд гигабайт имконпазир аст. Илова бар ин, дар доираи «Биё! Бисоз Life» интернет бо миқдоре дастрас аст, ки ҳоло дар ягон тарофаи дигари мо мавҷуд нест. Бо сохтани бастаи хизматрасониҳои худ муштарӣ дар натиҷа худ ҳаҷми пардохтҳои ҳармоҳаи худро барои алоқа муайян менамояд», — изҳор дошт директори тиҷоратии ширкати «МегаФон Тоҷикистон» Ҷамшед Бобоалиев.
Маълумоти муфассал оид ба тарофаи «Биё! Бисоз Life» –дар сомонаи ширкат.
АКС: ширкати «МегаФон Тоҷикистон»
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
