Милитсияи шаҳри Душанбе миқдори зиёди пиротехникиро мусодира намуд

Декабрь 11, 2023 15:53

ДУШАНБЕ, 11.12.2023 /АМИТ «Ховар»/.  Дар натиҷаи гузаронидани  чорабиниҳои фаврӣ-ҷустҷӯӣ аз ҷониби кормандони Раёсати Вазорати корҳои дохилӣ дар шаҳри Душанбе шумораи махсусан зиёди маводи тарфгарӣ  дарёфт ва мусодира гардида, пеши роҳи паҳншавии он гирифта шуд. Дар ин хусус АМИТ «Ховар» бо истинод ба ин раёсат хабар медиҳад.

Ҳамчун гумонбар шаҳрвандон: Назаров Некрӯз Сунатуллоевич, санаи таваллудаш 31 декабри соли 1993, Муҳиддинов Зоҳир Тоҳирович, санаи таваллудаш 30 декабри соли 1993, Меликов Баҳрулло Абдурашидович, санаи таваллудаш 19 январи соли 1993, Мирзоев Бахтиёр Маҳмадсаидович санаи таваллудаш 23 декабри соли 1993, Баротов Абдулло Ибодуллоевич, санаи таваллудаш 27 июни соли 1995, Муродов Ардашер Рамазонович, санаи таваллудаш 28 октябри соли 1997 дастгир шуданд.

Зимни санҷиш муайян гардид, ки гумонбаршаванда Некрӯз Назаров маводи тарфгариро аз вилояти Суғд ба шаҳри Душанбе ворид намуда, бо дигар ҳаммаслакони худ аз фурӯш ва паҳнсозии он фоида ба даст оварданӣ будаанд.
Ҳангоми кофтуков аз мошини номбурда дар 816 қуттӣ дар ҳаҷми 489 600 дона маводи тарфгарӣ-тарконакҳои навъи «Трения с новым годом» мусодира шуд.

Инчунин дар идомаи корҳои фаврӣ-ҷустҷӯӣ шаҳрванд Самадов Аминҷон Зарифҷонович, санаи таваллудаш 27 феврали соли 1999, истиқоматкунандаи вилояти Суғд, ноҳияи Б.Ғафуров дастгир шуд.

Зимни санҷиш муайян гардид, ки номбурда дар анборхонаи худ оташфаввораҳои дастгиршуда-Назаров Некрӯзро пинҳон намудааст, ки зимни кофтуков дарёфт ва мусодира шуданд.

Ҳоло вобаста ба ин ҳолат санади зарурӣ тартиб дода шуда, тибқи талаботи моддаи 199 иловаи 1-и Кодекси Ҷиноятии Ҷумҳурии Тоҷикистон барои муомилоти ғайриқонунии маводи тарфгарӣ мавриди тафтиши пешакӣ қарор дорад.

Ёдовар мешавем, ки шуруъ аз соли 1998 инҷониб  дар Тоҷикистон бо назардошти хавфнокӣ ва оқибатҳои нохуш доштан, чун оташангезӣ ва ҷароҳати ҷисмонӣ бардоштан муомилоти маводи тарфгарӣ манъ шудааст. Новобаста ба ин ҳамасола дар арафаи соли нав аз ҷониби сокинон ба мамлакат ин гуна мавод ворид гардида, наврасон дар маҳалҳои истиқоматӣ ба инфиҷори маводи  тарфгарӣ даст  зада,  оромии аҳолиро халалдор месозанд. Аз  ин рӯ, мақомоти корҳои дохилӣ аз шаҳрвандон хоҳиш менамояд, ки ба хотири ба даст овардани манфиати пулӣ меъёрҳои манъкунандаи қонунро сарфи назар насозанд.

Ҳамчунин волидонро зарур аст, ки  дар ин самт фарзандонро назорат намуда, оқибати нохуш доштани чунин амалро фаҳмонанд.

София ШОИК,
АМИТ «Ховар» 

АКС: Раёсати Вазорати корҳои дохилӣ дар шаҳри Душанбе

Декабрь 11, 2023 15:53

Хабарҳои дигари ин бахш

Дар қисмҳои ҳарбӣ маросими савгандёдкунии аскарон баргузор шуд
Нақшаи даъвати шаҳрвандон ба хизмати ҳатмии ҳарбӣ иҷро шуд. Фаъолияти комиссияҳои даъватӣ то охири моҳи май идома меёбад
Даъвати ҳарбӣ дар вилояти Суғд ҷамъбаст гардид
Вазирони корҳои дохилии Тоҷикистон ва Озарбойҷон густариши ҳамкории дуҷонибаро баррасӣ намуданд
Дар Тоҷикистон ҳамкорӣ дар самти таъмини амнияти ҳастаӣ густариш меёбад
Ҳангоми истифодаи хабару маводи сомона истинод ба www.khovar.tj ҳатмӣ аст!
Саҳифаҳои расмии АМИТ «Ховар» дар шабакаҳои иҷтимоӣ: facebook.com/niatkhovar, t.me/niatkhovar, youtube.com/@niat_Khovar_tj, instagram.com/niat_khovar/, twitter.com/niatkhovar, Радиои Ховар 101.5 fm, facebook.com/khovarfm/
Маркази матбуоти Қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар медиҳад
Дар Остона нахустин вохӯрии котибони шуроҳои амнияти давлатҳои Осиёи Марказӣ баргузор гардид
Дар Душанбе ҷаласаи 5-уми прокурорҳои генералии давлатҳои аъзои Созмони ҳамкории иқтисодӣ баргузор шуд
Даъвати баҳории шаҳрвандон ба сафи Қувваҳои Мусаллаҳи Тоҷикистон то охири моҳи май идома меёбад
Байни Прокуратураи генералии Тоҷикистон ва Прокуратураи генералии Суди Олии аппелятсионии Туркия Ёддошти тафоҳум оид ба ҳамкорӣ ба имзо расид