Мизоҷони корхонаи «Суман»-и шаҳри Хоруғ рӯ ба афзоиш мениҳанд

Декабрь 10, 2023 14:00

ХОРУҒ, 10.12.2023 /АМИТ «Ховар»/. Бо мақсади тавсеи татбиқи соҳаи саноат ва таъмини ширкатҳои сохтмонӣ бо маҳсулоти хоми маҳаллӣ Мақомоти иҷроияи ҳокимияти давлатии шаҳри Хоруғ  барои бунёди корхонаву коргоҳҳои хурду миёна  ба соҳибкороне бартарӣ медиҳад, ки бо истифода аз ашёи хоми маҳаллӣ маҳсулоти тайёрро омода ва ба фурӯш мегузоранд. Аз бунёди корхонаи «Суман», ки ба истеҳсоли сангҳои сохтмонӣ ва ороишӣ машғул аст, ҳамагӣ се моҳ мегузарад, аммо дар ин муддат дар байни ширкатҳои сохтмонӣ  алоқамандони зиёде пайдо намудааст.

Сардори корхона Идӣ Фароғатов зимни суҳбат бо хабарнигори минтақавии АМИТ «Ховар» Файз Мирасан бо изҳори сипос аз Ҳукумати Ҷумҳури Тоҷикистон ва мақомоти давлатии маҳаллӣ гуфт, ки «дар таҳияи ҳуҷҷатҳои зарурӣ ва ҷудо намудани қитъаи замин барои бунёди корхона ҳеҷ мушкилӣ пеш наомад ва баръакс, намоянагони мақомоти иҷроияи ҳокимияти давлатии  шаҳру вилоят дар оғози кор ҳар бор аз мо хабар мегирифтанд ва  маслиҳатҳои муфид медоданд. Воқеан чор тарафи моро кӯҳҳои осмонбӯс иҳота намудаанд ва баҳра набурдан аз чунин сарвати бебаҳои табиат кори хуб нест. Мунтазир набояд нишаст, ки касе омада, барои мо корхона месозад».

Масоҳати корхона калон нест, дарозии он 40 метр ва бараш 22 метр аст, аммо ин аввали кор аст.

Бо зиёд шудани мизоҷон иқтидори истеҳсолии корхона ҳам баланд мешавад ва дар нақша аст, ки дар оянда бахшҳои ин корхона дар ноҳияҳои дигари вилоят сохта шаванд. Чунин тарзу усули корбарӣ соҳибкоронро дилгарм месозад ва ба онҳо барои рушди минбаъдаи ин ё он фаъолият ангезаи хуб мебахшад.

Имрӯз ин корхона дар баробари истеҳсоли масолеҳ барои сангфарш намудани кӯчаҳои шаҳр, ҳамчунин барои мавзеъҳои хатарзо деворҳои ороишӣ аз оҳану бетон омода менамояд. Ин деворҳои хуштарҳу зебо на танҳо роҳҳову кӯчаҳои пиёдагарду мошингузарро аз ҳар гуна офатҳои табиӣ эмин нигоҳ медоранд, балки симои шаҳро боз ҳам зеботар месозанд.

АКС: АМИТ «Ховар»

Декабрь 10, 2023 14:00

Хабарҳои дигари ин бахш

Дар шаҳри Бӯстон марҳилаи дуюми корхонаи Ҷамъияти дорои масъулияти маҳдуди «Нуртез» ифтитоҳ гардид
Дар вилояти Суғд шумораи корхонаҳои истеҳсоли равған меафзояд
Дар заминаи корхонаи «Хуаҷиан Ғаюр индастриал» хати нави истеҳсоли амстронг бунёд мешавад
Сарвари давлат Эмомалӣ Раҳмон аз вазъи барҳамхӯрӣ ва аз фаъолият мондани корхонаҳои саноатӣ дар вилояти Суғд изҳори нигаронӣ намуданд
Дар Душанбе ҷаласаи 18-уми Кумитаи ҳамоҳангсоз оид ба содагардонии расмиёти савдо баргузор гардид
Барои ифротӣ нагаштани ҷавонон таваҷҷуҳи онҳоро ба илму дониш ва касбу ҳунаромӯзӣ бояд ҷалб намуд
Масъулини вилояти Суғд баҳри ҳалли мушкилоти пойгоҳҳои обкашӣ ва норасоии обёрии замин вазифадор гардиданд
Пешвои миллат Эмомалӣ Раҳмон дар шаҳри Хуҷанд корхонаи истеҳсоли равғанро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Бобоҷон Ғафуров дар бунёди боғи интенсивии зардолу, гелос ва токи хавозавӣ иштирок намуданд
Лоиҳаи «Ташхиси сохтори бозори пул дар Ҷумҳурии Тоҷикистон» баррасӣ гардид
Президенти Тоҷикистон Эмомалӣ Раҳмон дар шаҳри Истаравшан корхонаи истеҳсоли халтаҳои полипропилении ҶДММ «Нур-пак»-ро ба кор дароварданд
Cафари кории Президенти Ҷумҳурии Тоҷикистон Эмомалӣ Раҳмон ба шаҳри Истаравшан оғоз гардид