Ҳақан Фидан: «Туркия ва Тоҷикистон робитаҳои қавӣ ва устувор доранд»
ДУШАНБЕ, 10.01.2024 /АМИТ «Ховар»/. «Дар мулоқот бо Президенти Ҷумҳурии Тоҷикистон муҳтарам Эмомалӣ Раҳмон масъалаҳои ҳамкории Тоҷикистон ва Туркия дар соҳаҳои иқтисод, тиҷорат, амният, маориф ва сайёҳӣ баррасӣ гардиданд», — иброз намуд пас аз мулоқот бо Пешвои миллат Эмомалӣ Раҳмон Вазири корҳои хориҷии Ҷумҳурии Туркия Ҳақан Фидан имрӯз дар Душанбе.
Ба гуфти Ҳақан Фидан, «Туркия ва Тоҷикистон робитаҳои қавӣ ва устувор доранд, ки солҳои дароз идома доранд. Бар асоси ин, мо тасмим гирифтем, ки муносибатҳои ду давлатро дар ҳама самтҳо ва соҳаҳо бо ташаббус ва иродаи муштараки сарони давлатҳо густариш диҳем».
Вазири корҳои хориҷии Ҷумҳурии Туркия Ҳақан Фидан тазаккур дод, ки дар вохӯриҳои имрӯза роҳҳои иштироки тоҷирони турк дар амалисозии лоиҳаҳои иқтисодӣ ва тиҷоратӣ баррасӣ шуданд. «Аз ҷумла, мо имкон доштем, ки масъалаҳои маблағгузорӣ ва сармоягузории баъзе лоиҳаҳоро муфассал матраҳ намоем»,- гуфт ӯ.
«Ҳамкорӣ дар соҳаи маориф низ як бахши муҳими мулоқоти имрӯза буд, — гуфт Вазири корҳои хориҷии Ҷумҳурии Туркия Ҳақан Фидан ва таъкид намуд, ки мо нақша дорем бештари донишҷӯёни тоҷик дар Туркия таҳсил намоянд ва дар ин замина дархост аз ҷониби Тоҷикистон вуҷуд дорад».
Иброз гардид, ки дар мулоқот доир ба масъалаи муносибатҳои дуҷониба, инчунин минтақавӣ ва амниятӣ, аз ҷумла вазъи сиёсӣ дар Афғонистон табодули афкор доир шуд.
Ҳақан Фидан таъкид намуд, ки интизор меравад соли равон Президенти Ҷумҳурии Туркия Реҷеп Тайип Эрдоган ба Ҷумҳурии Тоҷикистон ташриф орад.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Дар Риёз Рӯзи Президенти Ҷумҳурии Тоҷикистон таҷлил гардид
Дар Қатар ҷашнҳои давлатии Тоҷикистон таҷлил карда шуданд
Ҷашнҳои Конститутсия, Президент ва Парчами давлатии Ҷумҳурии Тоҷикистон дар Анқара таҷлил карда шуданд
«ЗАНОН, СУЛҲ ВА АМНИЯТ». Дар Душанбе ҷаласаи хотимавии «Муколамаи занони Осиёи Марказӣ» доир мегардад
Ҷашнҳои давлатии Тоҷикистон дар Минск таҷлил гардиданд
Дар Вазорати корҳои хориҷии Тоҷикистон ҷашнҳои давлатӣ таҷлил карда шуданд
Дар Тошканд ҷаласаи ҳамоҳангсозони миллии давлатҳои Осиёи Марказӣ баргузор гардид
Сафири Тоҷикистон бо муовини Раиси Девони вазирони Туркманистон мулоқот намуд
Дар Женева ҳамкории Тоҷикистон бо Маркази машваратии ҳуқуқии Созмони умумиҷаҳонии савдо баррасӣ шуд
Дар Ҳафтаи байналмилалии оби Корея аз ташаббусҳои ҷаҳонии Президенти Тоҷикистон оид ба обу иқлим ёдовар шуданд
Дар Душанбе Маркази дипломатияи об ифтитоҳ гардид
Ҳамкории Тоҷикистон ва Эрон дар соҳаи таҳсилоти олӣ баррасӣ гардид
