Ҳаҷми гардиши савдои хориҷии Тоҷикистон бо Олмон 183 миллион доллари ИМА-ро ташкил дод
ДУШАНБЕ, 12.01.2024 /АМИТ «Ховар»/. Ҳаҷми гардиши савдои хориҷии мутақобила бо Олмон дар соли 2023 60 фоиз афзуда, 183 миллион доллари ИМА-ро ташкил дод. Дар ин хусус зимни вохӯрии Вазири рушди иқтисод ва савдои Ҷумҳурии Тоҷикистон Завқӣ Завқизода бо Сафири навтаъйини Фавқулода ва Мухтори Ҷумҳурии Федеративии Олмон дар Ҷумҳурии Тоҷикистон Йорк Шуграф иттилоъ дода шуд.
Таъкид гардид, ки таҳти сиёсати хирадмандона ва дурандешонаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Канслери федеролии Олмон Олаф Шолтс муносибатҳои тиҷоративу иқтисодии ду давлат ба сатҳи сифатан нав баромаданд.
Дар доираи вохӯрӣ ҷонибҳо самтҳои афзалиятноки ҳамкории дуҷонибаи тиҷоративу иқтисодӣ, аз ҷумла ҷалби маблағҳои грантӣ барои татбиқи Стратегияи рушди иқтисоди «сабз» дар Ҷумҳурии Тоҷикистон барои солҳои 2023-2037 ва лоиҳаҳои соҳаи иқтисоди рақамӣ, таъсиси корхонаҳои саноатӣ, бахусус дар самти истеҳсоли таҷҳизоти электронӣ дар Тоҷикистон, инчунин татбиқи лоиҳаҳо барои пешгирии оқибатҳои манфии офатҳои табииро муҳокима намуданд.
Вазири рушди иқтисод ва савдои ҷумҳурӣ аз ҷониби олмонӣ дархост ба амал овард, ки маблағгузорӣ ба соҳаи иқтисоди миллӣ, аз ҷумла саноатикунонӣ, энергетика, тақвияти иқтидори содиротӣ, рушди иқтисоди «сабз» ва рақамӣ, маориф, тандурустӣ ва сайёҳиро бештар намоянд, ки хуш пазируфта шуд.
Дар анҷоми вохӯрӣ ҷонибҳо омодагии худро барои боз ҳам тақвият додани ҳамкории мутақобилан судманд ва татбиқи масъалаҳои иброзгардида баён намуданд.
АКС: Вазорати рушди иқтисод ва савдои Ҷумҳурии Тоҷикистон
35-СОЛАГИИ ИСТИҚЛОЛИ ДАВЛАТӢ. Дар ноҳияи Восеъ сохтмони иншооти таъйиноти гуногун идома дорад
Дар Душанбе натиҷаҳои COP30 ва раванди такмилсозии NDC 3.0-и Тоҷикистон баррасӣ гардид
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
