Ба фаъолияти Котиботи созмони ҳамкории Шанхай 20 сол пур шуд
ДУШАНБЕ, 16.01.2024 /АМИТ «Ховар»/. 20 сол пеш, 15 январи соли 2004 дар Пекин маросими ифтитоҳи Котиботи Созмони ҳамкории Шанхай (СҲШ) баргузор шуд. Дар ин хусус рӯзи душанбе хадамоти матбуоти СҲШ хабар додааст, иттилоъ медиҳад АМИТ «Ховар».
«Котиботи СҲШ рисолати муҳим ва масъулиятноки ба зиммааш гузоштаро оид ба ҳамоҳангсозӣ ва таъмини иттилоотию таҳлилии фаъолияти Созмон, гузаронидани ташхиси пешакии ҳуқуқӣ ва молиявии шартнома ва санадҳои меъёрии ин созмон бомуваффақият иҷро менамояд.
Котибот инчунин нигаҳдорандаи ҳуҷҷатҳои дар доираи СҲШ қабулшуда буда, таъмини ташкилию техникии маҷлисҳо ва машваратҳои мақомоти СҲШ-ро амалӣ менамояд, ҳамкории СҲШ-ро бо давлатҳои нозир ва шарикони муколама, ташкилоти байналмилалӣ ҳамоҳанг месозад», — гуфта мешавад дар хабар.
Котиботро котиби генералӣ роҳбарӣ менамояд, ки онро шурои сарони давлатҳо бо тавсияи шурои вазирони корҳои хориҷии давлатҳои аъзои СҲШ тасдиқ менамояд.
Илова бар ин, институти намояндагони доимии давлатҳои аъзо дар назди Котиботи СҲШ амал менамояд.
Котибот аз 36 шахси мансабдор иборат буда, аз ҷониби давлатҳои аъзо тавассути квотаҳои кишварҳо фиристода мешавад. Сохтори котиботро шаш шуъба ташкил медиҳад, ки ба масъалаҳои сиёсӣ, иқтисодӣ, гуманитарӣ, иттилоотию таҳлилӣ, маъмурию ҳуқуқӣ ва муносибатҳои байналмилалӣ машғул мебошанд.
Азиза ИКРОМ,
АМИТ «Ховар»
АКС: Котиботи СҲШ
Ҳайатҳои иштирокчии ҷаласаи Шурои сарони ҳукуматҳо (сарвазирон)-и давлатҳои аъзои Созмони ҳамкории Шанхай ба Тоҷикистон ташриф меоранд
Сарвазири Шурои давлатии Чин барои ҳамкории босифат бо Тоҷикистон дар чаҳорчӯби Ташаббуси «Як камарбанд, як роҳ» изҳори омодагӣ намуд
Форуми байналмилалии ҷавонони СҲШ оид ба ҳамкорӣ барои ояндаи устувор доир шуд
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Дар доираи TAJ-TECH 2026 дар Душанбе Форуми стартапҳои давлатҳои аъзои СҲШ доир шуд
Дар Душанбе ҷаласаи навбатии роҳбарони мақомоти зиддиинҳисории давлатҳои аъзои СҲШ доир гардид
Президенти Ҷумҳурии Тоҷикистон Эмомалӣ Раҳмон бо Президенти Федератсияи Русия Владимир Путин мулоқот намуданд
Президенти Ҷумҳурии Тоҷикистон Эмомалӣ Раҳмон бо Сарвазири Ҷумҳурии Ҳиндустон Нарендра Модӣ мулоқот намуданд
Президенти Ҷумҳурии Тоҷикистон Эмомалӣ Раҳмон дар ҷаласаи Шурои сарони давлатҳо дар қолаби СҲШ+ иштирок намуданд
Президенти Ҷумҳурии Тоҷикистон Эмомалӣ Раҳмон дар ҷаласаи Шурои Сарони давлатҳои СҲШ таҳти унвони «25 соли СҲШ: таҳкими субот, густариши ҳамкорӣ барои рушди ояндаи муштарак» иштирок намуданд
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Исломии Эрон Масъуди Пизишкиён мулоқот намуданд
Президенти Ҷумҳурии Тоҷикистон Эмомалӣ Раҳмон бо Сарвазири Ҷумҳурии Арманистон Никол Пашинян мулоқот намуданд
