Чин барои дастгирии таҷдиди инфрасохтор 4,2 миллион доллар ҷудо намуд

ДУШАНБЕ, 30.01.2024 /АМИТ «Ховар»/. Кумитаи давлатии рушд ва ислоҳоти Чин, ки бо банақшагирии иқтисодӣ машғул мебошад, эълон намуд, ки барои дастгирии таҷдиди инфрасохтор ва барқарорсозии хизматҳои ҷамъиятӣ дар ноҳияҳои вилояти Юннани ҷанубу ғарби кишвар, ки аз сел зарар дидаанд, тақрибан 4,22 миллион доллар ҷудо менамояд. Тавре АМИТ «Ховар» бо истинод ба агентии БелТА иттилоъ медиҳад, дар ин хусус агентии «Синхуа» хабар додааст.

22 январ дар уезди Чжэнсюни шаҳри Чжаотун ярч фаромад, ки сабаби талафоти ҷонӣ ва зарари ҷиддии моддӣ гардид. Тибқи маълумоти охирини мақомоти маҳаллӣ, шумораи ҳалокшудагон ба 44 нафар расид.

Корҳои ҷустуҷӯ ва наҷот асосан ба анҷом расида, 918 нафар аз 223 хонавода ба минтақаҳои бехатар кӯчонида шуданд.

АКС: «Синхуа»