Дар Донишгоҳи миллии Тоҷикистон Озмоишгоҳи таълимию табобатӣ ва ҳуҷраи безараргардонӣ ифтитоҳ ёфт

Январь 8, 2024 11:26

ДУШАНБЕ, 08.01.2024. /АМИТ «Ховар»/. Ҷиҳати дар амал татбиқ гардидани  «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар факултети тиббии Донишгоҳи миллии Тоҷикистон барои ихтисосҳои дандонпизишкӣ ду синфхонаи таълимӣ, Озмоишгоҳи таълимию табобатӣ ва ҳуҷраи безараргардонӣ барои кафедраи стоматологияи ортопедия ва ҷарроҳии ҷоғу рӯй мавриди истифода қарор дода шуд, хабар доданд ба АМИТ «Ховар» дар Донишгоҳи миллӣ.

Зимни ифтитоҳи синфхонаю озмоишгоҳи нави таълимӣ ва синфхонаи камераҳои назоратӣ роҳбарияти сохторҳои гуногуни донишгоҳ иштирок намуданд.

Зимни ифтитоҳ ректори донишгоҳ, профессор Қобилҷон Хушвахтзода ба садорат ва масъулини факултет дар самти дуруст амалӣ мондани корҳои таълимию методӣ ва омода намудани мутахассисони соҳибкасб тавсияҳои судманд дод.

Иттилоъ дода шуд, ки дар озмоишгоҳ 6 дастгоҳи стоматологӣ бо курсии стаматологии ширкати «Apple», мизи кории табибон, ҷевон барои доруҳо ва ҳуҷҷатҳо, дастгоҳи визиограф барои ташхиси рентгенологии дандонҳо, дасгоҳи скалери ултрасадоӣ ва аэрофло барои тозакунӣ ва сафедкунии дандонҳо, дастгоҳҳои эндомотор ва микроматор барои пармакунии дандонҳо, дастгоҳи апекслокатор барои чен намудани дарозии дандон мавҷуд аст.

Дар ҳуҷраи безараргардонӣ дастгоҳҳои автоклав барои безараргардонии асбоби стоматологӣ, ҷевони безараргардонии барқӣ, дистилятор ва дастгоҳ барои тоза намудан ва молидани равған ба пайканакҳои дастгоҳи стаматологӣ ва ғайра ҷойгир шудааст.

Дар ҳуҷраҳои безараргардонӣ ва озмоишгоҳҳои таълимию табобатӣ тамоми намуди асбоби стаматологӣ барои табобати бемориҳои бофтаҳо, сохти дандонҳо ва пардаи луобии даҳон омода намуда  шудааст. Дар ҷевон доруҳо барои табобат, масолеҳ барои пломбакунии дандонҳо ва дигар намуди асбоб барои гузаронидани дарсҳои амалӣ омода шудаанд.

Баъд аз ифтитоҳи ин марказҳо ректори донишгоҳ дар вохӯрӣ бо устодону кормандони факултети тиббӣ масъулинро вазифадор намуд, ки ҷиҳати беҳтар гардонидани фаъолияти синфхонаву озмоишгоҳ ва иҷрои корҳои илмӣ-таълимӣ тадбирҳои зарурӣ андешида, фаъолияти онро назаррас амалӣ намоянд. Синфхонаҳои таълимӣ, Озмоишгоҳи таълимию табобатӣ ва ҳуҷраи безараргардонӣ барои муҳассилини ихтисоси дандонпизишкии факултети тиббӣ имконияти бештари омӯзишро фароҳам месозад.

Ёдовар мешавем, ки бо Фармони Президенти Ҷумҳурии Тоҷикистон Эмомалӣ Раҳмон аз 31 январи соли 2020 дар мамлакат «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» (2020-2040) эълон гардидааст.

АКС: Донишгоҳи миллии Тоҷикистон

Январь 8, 2024 11:26

Хабарҳои дигари ин бахш

Бо мақсади таъмин намудани рушди минбаъдаи муассисаҳои таҳсилоти ибтидоӣ ва миёнаи касбӣ 300 миллион сомонӣ ҷудо карда мешавад
Академияи сайёҳии Донишгоҳи байналмилалии сайёҳӣ ва соҳибкории Тоҷикистон таъсис дода мешавад
Дастаи Донишгоҳи техникии Тоҷикистон дар Чемпионати ҷаҳонии касбӣ сазовори ҷойи якум гардид
Зиёда аз 36 ҳазор хонандагони синфҳои ибтидоии Тоҷикистон бо хӯроки гарм таъмин мегарданд
Дар Тоҷикистон Барномаи давлатии омода намудани кадрҳои омӯзгорӣ таҳия карда мешавад
Омӯзгорону хонандагони шаҳри Роғун суханронии Президенти Тоҷикистонро ба муносибати Рӯзи дониш якҷоя тамошо намуданд
Эмомалӣ Раҳмон: «Дар 34 соли соҳибистиқлолӣ ба соҳаи маориф 73,6 миллиард сомонӣ маблағгузорӣ гардидааст»
ДОНИШ — ПОЯИ МУҲИМТАРИНИ РУШДИ ДАВЛАТ ВА МИЛЛАТ. Эҳдо ба Рӯзи дониш
Дар назди 20 муассисаи таълимӣ биноҳои иловагӣ бо озмоишгоҳҳои замонавӣ сохта мешаванд
Доир ба амалисозии барномаҳои давлатии марбут ба таҳсилоти томактабӣ ҷаласаи корӣ баргузор гардид
Дар Донишгоҳи техникии Тоҷикистон Чемпионати ҷаҳонии касбӣ баргузор гардид
Дар Душанбе Озмуни ҷумҳуриявии «Барномасози ҷавон» баргузор шуд