Дар Маҷмааи таърихию фарҳангии «Қалъаи муғ» растаҳои ҳунармандон фаъол гардонида мешаванд
ДУШАНБЕ, 18.01.2024 /АМИТ «Ховар»/. Дар Маҷмааи таърихию фарҳангии «Қалъаи муғ» растаҳои ҳунармандони шаҳри Истаравшан фаъол гардонида мешаванд, хабар медиҳад АМИТ «Ховар» бо истинод ба дафтари матбуоти Раиси шаҳри Истаравшан.
Бо ин мақсад Раиси шаҳри Истаравшан дар маҷмаа бо лоиҳаи растаи ҳунармандон шинос шуд. Раис шаҳр ҳамчунин бо ҳунармандони шаҳри Истаравшан мулоқот намуда, доир ба фароҳам овардани шароити мусоид барои фаъолгардонии растаҳо, инчунин имтиёзҳои мавҷудаи андозбандӣ нисбат ба ҳунармандон маълумот дод.
Ҳунармандон низ барои таваҷҷуҳи хоссаи Президенти Тоҷикистон муҳтарам Эмомалӣ Раҳмон нисбат ба рушд ва эҳёи ҳунармандӣ изҳори миннатдорӣ намуданд. Онҳо омодагӣ ва ҳавасмандиашонро барои фаъолсозии растаи ҳунармандон дар ин қалъаи таърихӣ баён доштанд.
Мавриди тазаккур аст, ки Маҷмааи таърихию фарҳангии «Қалъаи Муғ» таърихи қадимӣ дошта, танҳо дар даврони соҳибистиқлолӣ бо ташаббуси Президенти Тоҷикистон бо нишони қадршиносию аҷргузорӣ ба таъриху фарҳанги бою қадимии мардуми тоҷик навсозӣ шуд. Ҳоло дар он барои таъсиси зиёда аз 70 растаи ҳунармандӣ шароит фароҳам мебошад.
Ёдовар мешавем, ки 25 июни соли 2018 Президенти Тоҷикистон муҳтарам Эмомалӣ Раҳмон зимни сафари корӣ ба шаҳри Истаравшан дар маросими ба истифода додани «Қалъаи Муғ» иштирок намуда, таъкид доштанд, ки «яке аз нишонаҳои барҷастаи соҳиби таърихи қадимӣ будани миллати тоҷик шаҳрҳо, кӯшку қалъаҳо ва дигар ёдгориҳои меъморӣ ба шумор мераванд. Таҷдиду барқарорсозии ин ёдгории фарҳангӣ имконият фароҳам меорад, ки сайёҳону меҳмонони дохиливу хориҷӣ ба тамошои ин намунаи барҷастаи меъморӣ ва ёдгории дорои таърихи куҳан бештар ҷалб шаванд».
АКС: дафтари матбуоти Раиси шаҳри Истаравшан
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
