Дар машқгоҳи «Фахробод»-и вилояти Хатлон ҷамъомади таълимӣ-методӣ доир гардид
ДУШАНБЕ, 17.01.2024. /АМИТ «Ховар»/. Бо мақсади тақвият бахшидан ба донишу малакаи касбии низомиён бо ҷалби ҳайатҳои роҳбариву фармондеҳии Вазорати мудофиаи Тоҷикистон давоми 2 рӯз дар пойгоҳи Қувваҳои ҳарбӣ-ҳавоӣ ва мудофиаи зиддиҳавоии Қувваҳои Мусаллаҳи мамлакат ва машқгоҳи «Фахробод» ҷамъомади таълимӣ-методӣ доир шуд. Дар ин хусус ба АМИТ «Ховар» дар Вазорати мудофиаи Тоҷикистон хабар доданд.
Ҳадаф аз баргузории ҷамъомади таълимӣ-методӣ — ин дар амал нишон додани роҳу усулҳои нави омӯзиш дар Қувваҳои Мусаллаҳ, таҷрибаомӯзӣ аз ҳамдигар ва баланд бардоштани масъулият ва сайқал додани донишу малакаи иштирокчиён буд.
Рӯзи дуюми машғулияти таълимӣ-методӣ дар машқгоҳи ҳарбии «Фахробод»-и вилояти Хатлон гузашт. Дар чунин ҷамъомадҳои таълимӣ вобаста ба мавзуъҳои муҳими соҳавӣ ҳар дафъа талаботи нав ва навовариҳои зиёд ворид мешаванд. Зеро авзои пуртазоди ҷомеаи муосир низомиёни ҳамаи зинаҳоро ба он водор менамояд, ки донишу малака, маҳорати касбӣ ва таҷрибаи соҳавиашонро дар мубориза бар зидди ҳама гуна таҳдиду хатарҳо мутобиқ намоянд.
Чунин ҷамъомад ё машғулияти таълимӣ-методӣ вобаста ба давраҳои омӯзишӣ дар Қувваҳои Мусаллаҳ дар як сол ду маротиба гузаронида мешавад. Барои гузаронидани чунин машғулияти намунавии таълимӣ-методӣ ҳар фармондеҳи навъи қӯшун, командирони қисмҳои низомӣ ва афсарону сарбозони вобастаи ҷузъу том бо кумаку дастгирии роҳбарият ва хадамоти дахлдори Вазорати мудофиа тамоми кӯшишу ғайратро ба он равона месозанд, то дар муддати як моҳи тайёрӣ ба даври навбатии омӯзишӣ тамоми шароити зарурии таълимӣ муҳайё гардад.
АКС: Вазорати мудофиаи Ҷумҳурии Тоҷикистон
Дар Бӯстон вохӯрии навбатии гурӯҳҳои кории топографӣ ва гурӯҳҳои кории ҳайатҳои ҳукуматии Тоҷикистону Қирғизистон баргузор гардид
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Прокурори генералии Ҷумҳурии Тоҷикистон бо фаъолони вилояти Суғд вохӯрӣ намуд
Антониу Гутерриш: «Тоҷикистон дар масъалаи буҳрони Афғонистон шарики муҳими Созмони Милали Муттаҳид мебошад»
Президенти Тоҷикистон: «Дар фаъолияти Созмони ҳамкории Шанхай масъалаҳои амнияти минтақавӣ аввалиндараҷа боқӣ мемонанд»
ЭҲТИЁТ — НИМИ ҲАЁТ. Дар фасли тобистон зарфҳои нигаҳдории гази моеъро дар ҷойи соя ва дур аз гармӣ гузоред
Дар Петербург масъалаи истифодаи васеи технологияҳои иттилоотию коммуникатсионӣ дар пешниҳоди хизматрасониҳои давлатӣ дар Тоҷикистон баррасӣ шуд
МУҚОВИМАТ БА ИФРОТГАРОӢ. Дар ин мавзуъ дар Душанбе конференсияи илмӣ-амалӣ баргузор гардид
Намояндагони мақомоти ҳифзи ҳуқуқи Тоҷикистон дар Форуми байналмилалии ҳуқуқӣ дар Санкт-Петербург иштирок намуданд
Кормандони мақомоти милитсияи шаҳри Душанбе Рӯзи Ваҳдати миллиро таҷлил намуданд
Дар Вазорати мудофиа маъракаи даъвати баҳорӣ ба хизмати ҳатмии ҳарбӣ натиҷагирӣ шуд
ТАВАҶҶУҲ! Мақомоти милитсияи Душанбе огоҳ месозад: « Ба ҳар гуна зангҳои афроди ношинос ва хабарҳои бардурӯғи онҳо бовар накунед»
