«EXPO 2023 DOHA». Гӯшаи Тоҷикистонро дар Намоишгоҳи байналмилалии боғдорӣ дар Давҳа 500 ҳазор нафар тамошо намуд
ДУШАНБЕ, 22.01.2024 /АМИТ «Ховар»/. 21 январи соли 2024 дар доираи сафари давлатии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Давлати Қатар дар Намоишгоҳи байналмилалии боғдории «EXPO 2023 DOHA» маросими ифтитоҳи Рӯзи миллии Тоҷикистон баргузор шуд, ки онро зиёда аз 500 ҳазор меҳмон тамошо намуд, хабар медиҳад АМИТ «Ховар».
Дар маросими ифтитоҳи Рӯзи миллии Тоҷикистон дар Намоишгоҳи байналмилалии боғдорӣ намояндагони расмии Тоҷикистон ва Қатар, сафоратхонаҳои кишварҳои хориҷӣ дар ин давлат, намояндагони бахшӣ хусусӣ ва доираҳои соҳибкорию сармоягузории Тоҷикистону Қатар иштирок намуданд.
Таъкид гардид, ки Намоишгоҳи байналмилалии боғдории «EXPO 2023 DOHA» дар майдони зиёда аз 1 миллиону 700 метри мураббаъ ташкил шуда, дар он зиёда аз 80 давлати ҷаҳон иштирок менамоянд.
Дар ин рӯз таҳти садои мутантани сурудҳои миллии ду давлат дар даромадгоҳи асосии намоишгоҳ парчамҳои давлатии Тоҷикистон ва Қатар барафрохта шуданд.
Гӯшаи асосии Тоҷикистон дар Намоишгоҳи байналмилалии боғдории «EXPO 2023 DOHA» дар майдони наздик ба 800 метри мураббаъ ташкил шуда, дар он намунае аз меваю хушкмеваҳо, сабзавоти тару тоза, асалу гиёҳои шифобахш ва обҳои мусаффои Тоҷикистон ба намоиш гузошта шуданд.
Гӯша бо услуб ва нақшу нигори хоссаи миллӣ оро дода шуда, намунаи ҳунарҳои мардумии тоҷикон, аз қабили чӯбтарошию кандакорӣ низ дар он муаррифӣ гардиданд.
Ҳамчунин дар мавзеи назди Гӯшаи миллии мамлакати мо боғи Тоҷикистон бунёд шуда, дар он чун рамзи таҳкими дӯстии мардумони Тоҷикистон ва Қатар ниҳоли дарахтони дар Тоҷикистон парваришёбанда шинонида шудааст.
Гӯшаи Тоҷикистон дар ин чорабинии сатҳи баланди байналмилалӣ «Об барои рушди устувор» унвон гирифта, ба ташаббусҳои байналмилалии Президенти Ҷумҳурии Тоҷикистон муҳтарам Эмомалӣ Раҳмон дар масъалаи обу иқлим бахшида шудааст. Ба ин хотир дар намоишгоҳ дар баробари муариффии имконияти сайёҳӣ, кишоварзӣ, содиротӣ, истеҳсолоти агросаноатӣ, фазои мусоиди сармоягузорию соҳибкорӣ ва ҳунарҳои мардумӣ иқдомоти шоистаи ҷониби Тоҷикистон дар сатҳи байналмилалӣ дар соҳаи обу иқлим, хусусан истеҳсоли энергияи «сабз» рӯнамоӣ мешавад.
Гӯша дар партави дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон аз ҷониби Вазорати кишоварзӣ ва Палатаи савдо ва саноати Тоҷикистон ташкил шудааст.
Ҳамарӯза зиёда аз 2 ҳазор нафар гӯшаи Тоҷикистонро тамошо намуда, бо намунаи санъати боғдорию токпарварӣ, иқтидору имконоти энергетикиву сайёҳӣ ва истеҳсолӣ, инчунин ҳунарҳои мардумии тоҷикон аз наздик шинос мешаванд.
Намоишгоҳи байналмилалии боғдории «EXPO 2023 DOHA» аз 2 октябри соли 2023 оғоз гардида, то 28 марти соли 2024 идома меёбад.
АКС: АМИТ «Ховар»
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
Дар ҷаласаи Кумитаи байнидавлатии авиатсионӣ ифтитоҳи хатсайрҳои нави ҳавоӣ байни Тоҷикистон ва кишварҳои ИДМ баррасӣ шуд
Раванди татбиқи барномаи иммунопрофилактика ва Консепсияи иқтисоди рақамӣ баррасӣ шуд
Хати магистралии алоқаи «Душанбе–Хоруғ–Қулма» то охири моҳи сентябр ба истифода дода мешавад
Нахустин гурӯҳи роҳбаладони «Shohin Airlines» барои гузаштани омӯзиши касбӣ ба Turkish Aviation Academy фиристода шуд
Дар Душанбе оид ба ҳифзи пиряхҳо дар шароити тағйирёбии иқлим конфронси байналмилалӣ доир шуд
35 СОЛИ СОҲИБИСТИҚЛОЛИИ ТОҶИКИСТОН. Шумораи корхонаҳои парандапарварӣ қариб 11 маротиба бештар шуд
