Иҷрои нақшаи қисми даромади буҷети маҳаллии вилояти Хатлон 105,3 фоиз таъмин шуд
ДУШАНБЕ, 30.01.2024 /АМИТ «Ховар»/. Соли 2023 бо назардошти рушди воқеии иқтисодиёти вилояти Хатлон иҷрои нақшаи қисми даромади буҷети маҳаллӣ аз рӯи контингенти умумӣ ба андозаи 105,3 фоиз ва аз ҳисоби даромадҳои худӣ ба андозаи 106 фоиз таъмин гардид. Ба буҷет ба ҷои 1905,9 млн сомонии нақшаи пешбинишуда 2015,8 млн сомонӣ ворид гардид, ки нисбат ба нақша 109,9 млн сомонӣ ва нисбат ба ҳамин давраи соли гузашта 306,9 млн сомонӣ зиёд мебошад. Дар ин хусус имрӯз зимни нишасти матбуотӣ сардори Сарраёсати Вазорати молияи Ҷумҳурии Тоҷикистон дар вилояти Хатлон Ҳабибулло Иззатуллозода иброз намуд, хабар медиҳад АМИТ «Ховар» бо истинод ба шуъбаи иттилоотии Сарраёсати Вазорати молияи Ҷумҳурии Тоҷикистон дар вилояти Хатлон.
Ба иттилои Изатуллозода Ҳабибуллозода дар давраи ҳисоботӣ иҷрои нақшаи андози иҷтимоии буҷет дар сатҳи 108 фоиз таъмин гардида, ҳаҷми воридоти маблағҳо бо назардошти хароҷоти маблағҳои иҷтимоӣ ба 558,5 млн сомонӣ баробар гардида, нисбат ба нақшаи пешбинишуда 43,2 млн сомонӣ зиёд мебошад. Қарзҳои андози иҷтимоии буҷетӣ, ки дар сатҳи шаҳру ноҳияҳо ҷой доштанд, пурра бартараф шуданд.
Гуфта шуд, ки то якуми январи соли равон нақшаи андозҳо ва пардохтҳои ҳатмии маҳаллӣ дар шаҳру ноҳияҳои вилоят аз 102 то 126 фоиз таъмин гардида, бақияпулии қарзи андозҳо дар сатҳи вилоят дар маҷмуъ, ки маблағи 166,2 млн сомониро ташкил менамуд, нисбат ба аввали соли 2023 2 млн сомонӣ кам карда шуд.
Дар нишасти матбуотӣ хабарнигорони воситаҳои ахбори омма оид ба иҷрои қисми даромади буҷет, маблағгузорӣ ба соҳаи иҷтимоӣ, пардохти кумакпулиҳо, равона гардидани маблағҳои буҷетӣ бо мақсади пешгирии хавфи офатҳои табиӣ, маблағгузорӣ ба соҳаҳои иқтисодию иҷтимоии вилоят барои омодагӣ ба давраи зимистони соли 2024, андешидани тадбирҳои судманд ҷиҳати муваффақона амалӣ гаштани сиёсати молиявии Ҳукумати Ҷумҳурии Тоҷикистон ва дигар паҳлуҳои кори соҳа суолҳо пешниҳод намуда, аз ҷониби сардори Сарраёсати Вазорати молияи Ҷумҳурии Тоҷикистон дар вилояти Хатлон ва масъулони сарраёсат посухҳои мушаххас гирифтанд.
АКС: Шуъбаи иттилоотии Сарраёсати Вазорати молияи Ҷумҳурии Тоҷикистон дар вилояти Хатлон
«ТОП – 35 ШАРИКИ БОЭЪТИМОДИ СОЛ». Ба муносибати 35-солагии Истиқлолияти давлатӣ озмун баргузор мегардад
Дар ноҳияи Деваштич Маркази ҷумҳуриявии инноватсия ва технологияҳо дар соҳаи картошкапарварӣ таъсис дода мешавад
Бахшида ба Рӯзи байналмилалии ҳимояи ҳуқуқи истеъмолкунандагон корҳои фаҳмондадиҳӣ доир гардид
ИМРӮЗ-РӮЗИ БАЙНАЛМИЛАЛИИ ҲИМОЯИ ҲУҚУҚИ ИСТЕЪМОЛКУНАНДАГОН. Зиёда аз 86 тонна маҳсулоти бесифати бозорҳои истеъмолӣ нобуд карда шуд
Байни ширкати ҳавопаймоии хусусии «Shohin Airlines» ва Бунёди сармоягузории аврупоӣ Созишномаи сармоягузорӣ ба имзо расид
Ҷаласаи Гурӯҳи кории байниидоравӣ оид ба мониторинг ва арзёбии ҳуҷҷатҳои банақшагирии стратегӣ доир гардид
Дар Вашингтон дурнамои ҳамкории Тоҷикистон бо Бонки ҷаҳонӣ дар самти рушди инфрасохтори роҳу нақлиёт баррасӣ шуд
Тоҷикистон ҳамкориро бо Барномаи ҷаҳонии озуқаворӣ дар самти устувории иқлимӣ тақвият медиҳад
То соли 2030 ҳаҷми савдо байни Тоҷикистон ва Қазоқистон ба 2 миллиард доллар расонида мешавад
Тоҷикистон ба таҷрибаи бузургтарин оператори бозори неруи барқи Аврупо — Nord Pool мароқ зоҳир намуд
Дар Бохтар таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Хизматрасонии техникии зеристгоҳҳои конвертории тарҳи «CASA-1000» дар Тоҷикистон ва Покистон соли 2028 ба анҷом мерасад
