Иттифоқи журналистони Тоҷикистон ҷиҳати тарғибу ташвиқи Паёми Президенти Тоҷикистон вохӯриҳо баргузор менамояд
ДУШАНБЕ, 12.01.2024 /АМИТ «Ховар»/. Имрӯз дар толори Нашриёти «Шарқи озод» бо ташаббуси Иттифоқи журналистони Тоҷикистон оид ба вусъати тарғибу ташвиқи Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» дар воситаҳои ахбори омма ва шабакаҳои иҷтимоӣ ҷаласа доир гардид, хабар медиҳад АМИТ «Ховар».
Таъкид гардид, ки Иттифоқи журналистони Тоҷикистон фаъолияташро дар асоси дастуру ҳидоятҳое, ки аз Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон бармеоянд, амалӣ намуда, чорабиниҳоро дар қаламрави ҷумҳурӣ тибқи нақшаи корӣ мегузаронад.
Иттилоъ дода шуд, ки баргузории мулоқотҳо ҷиҳати тарғибу ташвиқи Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии мамлакат дар вилоятҳои Хатлону Суғд ва шаҳру ноҳияҳои тобеи ҷумҳурӣ дар назар дошта шудааст.
Иброз гардид, ки Иттифоқи журналистони Тоҷикистон соли сипаригардида низ оид ба татбиқи дастуру ҳидоятҳои Асосгузори сулҳу ваҳдати миллӣ- Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳрҳои Кӯлобу Хуҷанд, Хоруғу Истаравшан ва ноҳияҳои Фархор, Восеъ, Шамсиддини Шоҳин, Темурмалик, Ашт, Файзобод бо журналистони маҳаллӣ 15 мулоқот баргузор намуд, ки дар онҳо беш аз 300 нафар эҷодкорон иштирок намуданд.
Зимни мулоқот оид ба вазъи нашрияҳои маҳаллӣ, инъикоси дастовардҳои замони истиқлоли давлатӣ дар нашрияҳои шаҳрӣ, ноҳиявию вилоятӣ ва ба доираи васеи мухотабон расонидани маводи пурмуҳтаво суҳбати судманд доир шуд.
АКС: АМИТ «Ховар»
Имрӯз дар водиҳои Тоҷикистон ҳаво то 18 дараҷа гарм мешавад
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ машғулияти омӯзишӣ доир шуд
Имрӯз дар шаҳри Душанбе ҳаво то 15 дараҷа гарм мешавад
Мағозаи интернетии shop.megafon.tj: муносибтар, зудтар, муфидтар
Имрӯз дар Тоҷикистон ҳавои тағйирёбандаи бебориш пешгӯӣ шуда, туман мефарояд
Бахшида ба Рӯзи матбуоти тоҷик дар Маркази тадқиқоти стратегӣ ҳамоиш баргузор гардид
Мавқеи воситаҳои ахбори омма дар таҳкими худшиносии миллӣ назаррас аст
Дар шаҳри Хоруғ мусобиқаи «Ватанпарвар» баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
Дар минтақаи доманакӯҳии атрофи маҳаллаи Зарафшон ниҳолҳои мевадиҳанда шинонида шуданд
«ҲАР ОН КАС, КИ «ШОҲНОМА»-ХОНӢ КУНАД…». Дар Осорхонаи миллӣ маҳфили «Шоҳномахонӣ» баргузор гардид
Ҳамёни рақамӣ дар «МегаФон Life» боз ҳам мувофиқтар шуд
