ҶОМИ ОСИЁ-2023. Дастаи мунтахаби Тоҷикистон дар бозии якум бо тими миллии Чин рақобат менамояд

ДУШАНБЕ, 10.01.2023 /АМИТ «Ховар»/. Дастаи мунтахаби Тоҷикистон оид ба футбол дар қисми финалии Ҷоми Осиё-2023, ки дар Қатар баргузор мегардад, дар гурӯҳи «А» бо дастаҳои мунтахаби Қатар, Лубнон ва Чин бозӣ менамояд. Дар ин хусус ба АМИТ «Ховар» дар Федератсияи футболи Тоҷикистон хабар доданд.

Дастаи Тоҷикистон дар бозии якум 13 январ бо тими миллии Чин бозӣ менамояд.

Дастаи Петр Сегрт 17 январ дар даври дуюми марҳилаи гурӯҳӣ бо мизбони Ҷоми Осиё-2023 – тими миллии Қатар бозӣ анҷом медиҳад.

Дар даври сеюми марҳилаи гурӯҳии мусобиқот дастаи мунтахаби Тоҷикистон 22 январ бо дастаи яккачини Лубнон рақобат менамояд.

Бояд иброз намуд, ки аз ҳар гурӯҳ дудастаӣ ва инчунин чаҳор дастаи беҳтарин аз байни ҷойҳои сеюм ба даври 1/8-ниҳоии Ҷоми Осиё-2023 роҳ меёбанд.

АКС: Федератсияи футболи Тоҷикистон