ҶОМИ ОСИЁ-2023. Дастаи мунтахаби Тоҷикистон дар даври 1/4-ниҳоӣ бо тими миллии Урдун бозӣ менамояд
![](https://khovar.tj/wp-content/uploads/2024/01/424564425_714806270798274_5910026694028459468_n.jpg)
ДУШАНБЕ, 29.01.2024 /АМИТ «Ховар»/. Рақиби дастаи мунтахаби Тоҷикистон оид ба футбол дар даври 1/4-ниҳоии Ҷоми Осиё-2023 дар Давҳа маълум шуд. Дар ин марҳилаи мусобиқот дастаи мунтахаби Тоҷикистон бо тими Урдун бозӣ анҷом медиҳад, хабар медиҳад АМИТ «Ховар».
Бозии 1/4-ниҳоии Ҷоми Осиё-2023 байни дастаҳои мунтахаби Тоҷикистон ва Урдун 2 феврал дар варзишгоҳи Аҳмад бин Алии Давҳа баргузор мешавад.
Вохӯрӣ соати 14:30 ба вақти маҳаллӣ (16:30 ба вақти Душанбе) оғоз мегардад.
АКС: Федератсияи футболи Тоҷикистон