Шуъбаи бемории дили Беморхонаи марказии ноҳияи Рӯдакӣ баъди навсозӣ мавриди истифода қарор гирифт

ДУШАНБЕ, 27.01.2024. /АМИТ «Ховар»/. Дар доираи корҳои ободониву созандагӣ ба истиқболи ҷашни бузурги миллӣ- 35-солагии Истиқлолияти давлатии Ҷумҳурии Тоҷикистон шуъбаи бемории дили Беморхонаи маркази ноҳияи Рӯдакӣ пас аз таъмири пурра мавриди истифода қарор дода шуд. Дар ин хусус АМИТ «Ховар» бо истинод ба маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон хабар медиҳад.

Шуъбаи бемории дил бо сатҳу сифати баланд аз таъмир бароварда шуда, дорои 12 кат мебошад.

Аз кормандони соҳа даъват шуд, ки бо истифода аз шароиту имконоти мусоиди фароҳамгардида ба аҳолӣ боз ҳам беҳтар хизмати тиббӣ расонанд.

Дар Беморхонаи марказии ноҳияи Рӯдакӣ баҳри ташхису табобати шаҳрвандон тамоми шароит ва имконоти мусоид фароҳам оварда шудааст.

АКС: Маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон