Бо ёрии «Life» метавон автомобилро суғурта намуд

Февраль 26, 2024 15:57

ДУШАНБЕ, 26.02.2-24 /АМИТ «Ховар»/. Акнун тариқи «Ҳамён»-и замимаи мобилии «MeгаФон Life» метавонед автомобилро зуд ва осон суғурта намоед. Имконияти нав, ки ҳоло танҳо ба шахсони воқеӣ дастрас аст, дар қисми «Хизматрасониҳо» ҷойгир мебошад.

Ба истифодабарандагони замимаи «MeгаФон Life» се намуди хизматрасонӣ дастрас аст. Дар ҳолати якум танҳо ҷавобгарии шаҳрвандии соҳиби автомобил ё ронандагоне, ки тариқи ваколатнома ё дигар асосҳои қонуни рондани мошин ба онҳо иҷозат дода шудааст, суғурта мешавад. Агар онҳо дар натиҷаи садамаи нақлиётӣ зарари молу мулкӣ ё ҷисмонӣ расонида бошанд, пас ширкати суғуртавӣ ба ҷабрдидагон ҷубронпулӣ пардохт менамояд. Намуди дуюм — «КАСКО ҳангоми ҲРН». Дар ин ҷо тибқи шартҳо хавфи зарарёбии автомобил ё қисмҳои алоҳидаи он ҳангоми ҳаракат суғурта мешавад. Намуди сеюми хизматрасонӣ ҷавобгарии шаҳрвандӣ ва «КАСКО ҳангоми ҲРН»-ро дар бар мегирад.

Хизматрасонии мобилии «Суғурта» барои истифодабарандагони замима мувофиқ ва муфид аст. Он пардохти ҳаққи таъмири мошин дар сурати рух додани ҳодисаи суғуртавӣ, муҳофизатро аз хароҷоти молиявӣ дар ҳолате, ки соҳиби автомобил гунаҳкор аст ва бояд зарари расонидаро ҷуброн намояд, кафолат медиҳад. Полиси суғуртавӣ дар замима дар шакли электронӣ дастрас мебошад. Суғуртакунӣ тавассути «МегаФон Life» осон буда, таносуби нархи хизматрасонӣ ва ҳаҷми муҳофизати суғуртавӣ барои бозори суғуртаи Ҷумҳурии Тоҷикистон муносиб аст.

Хизматрасонии нав барои ҳамаи соҳибони воситаҳои нақлиёт дастрас аст, зеро ҳамагон метавонанд «MeгаФон Life»-ро боргирӣ намуда, аз вазифаҳои он истифода баранд. МегаФон Тоҷикистон мунтазам теъдоди шарикони замимаро афзоиш медиҳад ва акнун хизматрасонии суғуртаи автомобил низ ҳамеша зери дасти шумо мебошад.

Аз истифодабарандагони замимаи «MeгаФон Life» ҳангоми харидани полиси «КАСКО» комиссия гирифта намешавад. Шарики хизматрасонӣ ташкилоти суғуртавии «Бима» мебошад.

АКС: ширкати «МегаФон Тоҷикистон»

Февраль 26, 2024 15:57

Хабарҳои дигари ин бахш

ОГОҲӢ! Кумитаи ҳолатҳои фавқулода ва мудофиаи гражданӣ аз омадани сел дар минтақаҳои ҷудогонаи мамлакат ҳушдор медиҳад
Раиси вилояти Хатлон дар Ёвон бо ҷараёни таҷдиди канали обрасонии «Лойқасой» шинос шуд
Британияи Кабир фурӯши телефонҳои мобилиро ба кӯдакон ва наврасони то 16-сола манъ менамояд
Дар Қазоқистон бар асари обхезиҳо қариб 98 ҳазор нафар тахлия шуданд
Зиёда аз 1,8 ҳазор сокини иёлати Ютаи Амрико пас аз рахна шудани сарбанди кӯл зери хатар қарор доранд
Дар Душанбе конференсияи байналмилалии «Муколамаи мутамаддини Русия ва мамлакатҳои Осиёи Марказӣ» оғоз гардид
12 АПРЕЛ-РӮЗИ БАЙНАЛМИЛАЛИИ ПАРВОЗИ ИНСОН БА КАЙҲОН. Фатҳи кайҳон аз тарафи инсон: аз асотир то ҳақиқат
Ҳамкории Маркази тадқиқоти стратегии Тоҷикистон ва Институти байналмилалии Осиёи Марказӣ тақвият меёбад
Имрӯз дар Тоҷикистон ҳаво тағйирёбанда шуда, борони кӯтоҳмуддат меборад
Бар асари сардии шадид дар Муғулистон дар маҷмуъ 6,3 миллион сар чорво нобуд гардид
Дар шаҳри Ҳисор ба 9 нафар шахси имконияташ маҳдуд аробачаи маъюбӣ супорида шуд
«САЙРИ ГУЛИ ЛОЛА». Суратгузориш аз Фурудгоҳи байналмилалии Хуҷанд манзур мегардад