Дар Академияи миллии илмҳои Тоҷикистон бахшида ба Рӯзи таъсиси Қувваҳои Мусаллаҳ ҳамоиши тантанавӣ доир шуд
ДУШАНБЕ, 23.02.2024 /АМИТ «Ховар»/. Бахшида ба 31- солагии таъсиси Қувваҳои Мусаллаҳи Ҷумҳурии Тоҷикистон дар Академияи миллии илмҳои Тоҷикистон ҳамоиши тантанавӣ баргузор гардид, хабар медиҳад АМИТ «Ховар».
Президенти Академияи миллии илмҳо Қобилҷон Хушвахтзода иброз дошт, ки «Қувваҳои Мусаллаҳи ҷумҳурӣ имрӯз дар радифи дигар аркони давлатӣ аз ҷумлаи он сохторҳое мебошад, ки дар самти ҳифзи оромӣ, сулҳу субот, ягонагии мамлакат, марзу бум, тартиботи дохилӣ ва дигар масъалаҳои муҳими давлатдорӣ нақши калидӣ дорад. Мояи ифтихор аст, ки Қувваҳои Мусаллаҳ ба анъанаҳои касбии ифодагари сифатҳои баланди ватандӯстию хештаншиносӣ ва савганди ҳарбӣ содиқ монда, аз рӯзи аввал, яъне баробари ташкилшавӣ дар чунин марҳила ва давраи мураккаби сарнавиштсоз, ки ба пояҳои истиқлолияти давлатӣ ва якпорчагии Ватан хатари зиёд таҳдид менамуд, бетараф намонд».
Иштирокдорони ҷамъомад доир ба таъсиси Қувваҳои Мусаллаҳ гуфтанд, ки Артиши миллӣ ситоди боэътимоди давлату миллат буда, афсарону сарбозони содиқро барои ҳифзи марзу буми Ватан тарбия менамояд.
Қувваҳои Мусаллаҳи Ҷумҳурии Тоҷикистон зодаи даврони соҳибистиқлолӣ буда, дар шароити бисёр ҳам мураккабу ҳассос таъсис ёфтааст. Бинобар ин мо бояд шукронаи истиқлолият, сулҳу субот, оромиву осоиштагӣ намуда, дар ободтар гаштани Ватани азизамон саҳм гузорем.
Ҳоло Қувваҳои Мусаллаҳи Ҷумҳурии Тоҷикистон ба ҳадди ташаккул расида, бобати ҳифзи марзу буми мо ба ниҳоди муташаккил табдил ёфтааст. Қувваҳои Мусаллаҳи Ҷумҳурии Тоҷикистон тибқи меъёрҳои мавҷуда ниҳоди ҳарбии давлатӣ буда, барои ҳифзи тамомияти арзии мамлакат вазифадор мебошад.
Дар ҳамоиш як зумра афсарони хизматнишондодаи ҷумҳурӣ бо ифтихорнома ва туҳфаҳои хотирмон сарафароз гардонида шуда, барномаи фарҳангиву фароғатӣ пешкаши иштирокдорон гардид.
АКС:Академияи миллии илмҳои Тоҷикистон
25 март даври дуюми Фестивали гулҳо таҳти унвони «Сайри гули лола» ҷамъбаст мегардад
Хабарнигорони Қирғизистон бо фаъолияти ду шабакаи телевизонӣ дар Тоҷикистон ва студияҳои сабти овоз шинос гардиданд
Ҳайати Тоҷикистон дар Бозиҳои байналмилалии Делфӣ дар Қирғизистон иштирок дорад
Намоишномаи ҳунармандони Театри вилоятии мусиқӣ-мазҳакавии ба номи Ато Муҳаммадҷонови шаҳри Бохтар дар Узбекистон пешниҳод мегардад
«ДӮСТИИ АДАБӢ — ДӮСТИИ АБАДӢ». Бо иштироки аҳли фарҳангу санъати Тоҷикистону Узбекистон ҳамоиш доир шуд
Гурӯҳи хабарнигорони Қирғизистон аз як қатор ҷойҳои таърихию фарҳангии Тоҷикистон боздид намуд
Рӯзҳои кинои Тоҷикистон дар Узбекистон доир мешавад
Хабарнигорони Қирғизистон дар Осорхонаи миллӣ бо таъриху фарҳанги Тоҷикистон шинос гардиданд
НАВРӮЗИ ХАТЛОН. Фасли баҳор дар ин минтақаи Тоҷикистон пештар оғоз меёбад
Рӯзҳои фарҳанги Тоҷикистон дар Узбекистон баргузор мегарданд
САЁҲАТРО АЗ ВАТАН ОҒОЗ МЕНАМОЕМ! Ёдгориҳои таърихию фарҳангии Хуттали Қадим аз ҷиҳати аҳамияти таърихӣ ҳамто надоранд
Гурӯҳи хабарнигорони Қирғизистон бо мақсади шиносоӣ бо дастовардҳои даврони истиқлол ва иштирок дар тантанаҳои наврӯзӣ ба Тоҷикистон ташриф овард
