Дар Хатлон 44 далели вайрон намудани талаботи Қоидаҳои ҳаракати роҳ аз тарафи ронандагон ошкор гардид
ДУШАНБЕ, 03.02.2024 /АМИТ «Ховар»/. Аз ҷониби Раёсати Вазорати корҳои дохилӣ дар вилояти Хатлон дар маркази вилоят –шаҳри Бохтар 44 далели вайрон намудани талаботи Қоидаҳои ҳаракати роҳ аз тарафи ронандагон ошкор шуд, ки дар байни он 8 ҳолати ғайриқонунӣ ва бе иҷозатномаи сиёҳшиша идора намудани воситаи нақлиёт ва 3 далели дигар бе ҳуҷҷати ронандагӣ идора намудани воситаи нақлиёт мебошад. Дар ин хусус ба АМИТ «Ховар» дар Раёсати Вазорати корҳои дохилӣ дар вилояти Хатлон хабар доданд.
Риояи Қоидаҳои ҳаракати роҳ, ки ҷузъи муҳими фарҳангу маданияти шаҳрдорӣ дониста мешавад, агар аз як ҷониб аз баланд будани маърифати ҳуқуқии ронанда гувоҳӣ диҳад, аз тарафи дигар, ба пешгирии садаманокӣ ва ба ин васила таъмини бехатарии пиёдагардон ва дигар иштирокчиёни ҳаракати роҳ мусоидат менамояд.
Бо мақсади пешгирӣ аз содиршавии садамаҳои роҳу нақлиётӣ, ошкору пешгирии қоидавайронкуниҳои дағали ҳаракат дар роҳ, танзими ҳамлу нақли мусофирон, пешгирии танбашавии сунъии воситаҳои нақлиёт ва дигар қоидавайронкуниҳо аз ҷониби Раёсати Вазорати корҳои дохилӣ дар вилояти Хатлон нақшаи чорабиниҳои махсуси профилактикӣ таҳия ва амалӣ гардидааст.
Ҳамарӯза аз ҷониби кормандони шуъбаи Бозрасии давлатии автомобилии Раёсати Вазорати корҳои дохилӣ дар вилоят ва дигар ҷузъу томҳои милитсияи Хатлон санҷишу амалиёт ва чорабиниҳои мақсаднок гузаронида мешаванд.
АКС: Раёсати Вазорати корҳои дохилӣ дар вилояти Хатлон
Дар Суғд барои омӯзгорони муассисаҳои таҳсилоти ибтидоии касбӣ машварати омӯзишӣ гузаронида шуд
ОГОҲӢ! Дар баъзе аз минтақаҳои Тоҷикистон чангу ғубор ба амал меояд
МегаФон Тоҷикистон: «Насиба Кенжаева аз ноҳияи Хуросон соҳиби Шоҳҷоизаи иқдоми «МегаМиллион» гардид»
Ҷаласаи минтақавии Кумитаҳои миллии ҳамоҳангсози содагардонии расмиёти савдои кишварҳои Осиёи Марказӣ доир гардид
Дар ноҳияи Спитамен беш аз 2000 нафар кӯдак ба таълиму тарбия фаро гирифта шудаанд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Орзуи миллионер шудан бо ZET-MOBILE воқеъист
Ба мактабҳои тоҷикии ноҳияи Шаҳрисабзи Узбекистон китобҳои бадеӣ тақдим гардид
Имрӯз дар ноҳияҳои алоҳидаи Тоҷикистон борони кӯтоҳмуддат меборад
Дар Душанбе Консорсиуми сармоягузории «Area AI» ба имзо расид
ОМОДАГӢ БА ЗИМИСТОН. Кумитаи ҳолатҳои фавқулода ва мудофиаи граждании Тоҷикистон ба шаҳрвандон тавсияҳои муфид пешниҳод менамояд
Дар Суғд ҳашарҳои экологии «Тозагии маҳал», «Тозагии шоҳроҳ» ва «Тозагии соҳил» гузаронида шуданд
