Дар ноҳияи Дарвоз роҳ кушода буда, бо техникаи махсус сангпораҳо бартараф карда шуд
ДУШАНБЕ, 21.02.2024 /АМИТ «Ховар»/. 20 феврал, соати 08:24 ба вақти маҳаллӣ дар километри 285-уми роҳи мошингарди Душанбе-Кӯлоб-Дарвоз-Хоруғ, ки аз қаламрави деҳаи Яхчисори Ҷамоати деҳоти Нулванди ноҳияи Дарвози Вилояти Мухтори Кӯҳистони Бадахшон мегузарад, резиши санг ба амал омад. Дар ҷойи ҳодиса кормандони хадамоти роҳи ноҳия бо ҷалби техникаи махсус фаъолият намуданд ва ҳоло роҳ кушода аст. Дар ин хусус АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад.
Ба иттилои Агентии обуҳавошиносии мамлакат, хавфи офатҳои табиӣ то 24 феврал боқӣ мемонад. Дар робита ба вуҷуд доштани хатари эҳтимолии лағзиши тарма ва резиши санг дар роҳҳо Кумитаи ҳолатҳои фавқулода ва мудофиаи гражданӣ маротибаи дигар ба аҳолӣ муроҷиат мекунад, ки эҳтиёт бошанд.
Дар чунин рӯзҳо ба чорвочаронӣ, моҳидорӣ ва шикор рафтан маслиҳат нест. Ҳамчунин дар рӯзҳое, ки бориш зиёд аст, набояд корҳои кишоварзӣ гузаронид.
Кумита ҳамчунин аз шаҳрвандон хоҳиш менамояд, ки дар чунин рӯзҳо аз рафтан ба ҷойҳои пурхатар худдорӣ кунанд. Ронандагон ҳангоми ҳаракат дар роҳҳои кӯҳӣ қоидаҳои бехатарӣ, бахусус фосилаи ҳаракати байни мошинҳоро бояд риоя намоянд, ки ин гарави аслии бехатарӣ мебошад.
АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон
Имрӯз дар шаҳри Душанбе ҳаво то 35 дараҷа гарм мешавад
Кумитаи меъморӣ ва сохтмони Тоҷикистон баҳри густариши раванди рақамикунонӣ Созишнома ба имзо расонид
Дар Маҷмааи варзишии шаҳри Хоруғ барои ҷоми Раиси вилоят мусобиқаи футболи хурд оғоз шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Фалсафаи ваҳдат ва истиқрори сулҳи тоҷикон». Таҳти ин унвон дар Донишгоҳи давлатии Кӯлоб ҳамоиш доир гардид
СОЛИ МАЪРИФАТИ ҲУҚУҚӢ. Бо сокинону фаъолони шаҳри Бохтар вохӯрӣ доир гардид
Дар шаҳри Турсунзода ҳамоиши «Корвони зиддимухаддиротӣ – 2024» доир шуд
«Ҷоми Ҳизби Халқии Демократии Тоҷикистон» насиби дастаи футболбозони ноҳияи Ҷалолиддини Балхӣ шуд
Донишҷӯёни Донишгоҳи техникии Тоҷикистон таҷрибаомӯзии истеҳсолиро дар Неругоҳи барқи обии «Қайроқум» мегузаронанд
Дар Хоруғ таҳти унвони «Модару бонувони ваҳдатсаро» ҳамоиш доир гардид
15-17 июн дар минтақаҳои алоҳидаи Тоҷикистон хавфи омадани сел боқӣ мемонад
ҲИФЗ ВА МУАРРИФИИ МЕРОСИ НИЁГОН. Ин мавзуъ дар меҳвари мулоқоти Президенти Тоҷикистон бо аҳли илм ва маорифи мамлакат қарор дошт
