Дар ноҳияи Фирдавсӣ ду ташкилоти ибтидоии Ҳизби Халқии Демократии Тоҷикистон таъсис дода шуд
ДУШАНБЕ, 05.02.2024. /АМИТ «Ховар»/. Дар ноҳияи Фирдавсӣ ду ташкилоти ибтидоии Ҳизби Халқии Демократии Тоҷикистон — «Неруи сабз» ва «Евро Дез» таъсис дода шуд. Дар ин хусус ба АМИТ «Ховар» дар Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ хабар доданд.
Ташкилоти ибтидоии ҳизбии «Неруи сабз» дар Ҷамъияти саҳомии кушодаи «ТАУЗ Гидро» ва Ташкилоти ибтидоии ҳизбии «Евро Дез» дар Ҷамъияти дорои масъулияташ маҳдуди «Евро Дез» таъсис ёфт.
Дар маҷлисҳо оид ба таъсиси ташкилоти нави ҳизбӣ доир ба Паёми Президенти Ҷумҳурии Тоҷикистон ба Маҷлиси Олӣ, соҳаи энергетика ва дастовардҳои дар даврони соҳибистиқлолӣ дар ин соҳа ноилшуда, бартарияти истеҳсолоти саноатӣ тавассути неруи сабз, нақши истеҳсоли неруи сабз дар пешгирӣ аз тағйирёбии иқлим ва коҳиш додани партовҳои газҳои гулхонаӣ ба атмосфера ва то ба соли 2037 табдид ёфтани Тоҷикистон ба «мамлакати сабз» ибрози андеша карда шуд.
Ҳамчунин иштирокчиёни маҷлис оид ба низоми сиёсии ҷомеаи кишвар, фаъолияти ҳизбҳои сиёсӣ, хусусан нақшу мақоми Ҳизби Халқии Демократии Тоҷикистон дар ташаккули давлатдории навини тоҷикон, ҳадафҳои оинномавӣ ва барномавии Ҳизби Халқии Демократии Тоҷикистон ва маърифати сиёсию ҳуқуқии шаҳрвандон сухан гуфтанд.
Дар идомаи маҷлисҳо ба кормандоне, ки ба сафи аъзои Ҳизби Халқии Демократии Точикистон шомил гардиданд, шаҳодатномаҳои ҳизбӣ тақдим карда шуд.
Таъсис додан ва зиёд намудани шумораи ташкилоти ибтидоӣ дар соҳаи саноат ва соҳибкорӣ яке аз тасмимҳои Кумитаи иҷроияи ҳизб дар ноҳияи Фирдавсӣ дар соли таҷлили 30-солагии Ҳизби Халқии Демократии Тоҷикистон маҳсуб меёбад.
АКС: Кумитаи иҷроияи Ҳизби Халқии Демократии Тоҷикистон дар ноҳияи Фирдавсӣ
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
Дар Панҷакент ниммарафони экологии кӯҳии «Seven Lakes» доир мегардад
Имрӯз дар Тоҷикистон хавфи сар задани селҳои маҳаллӣ дар назар аст
Олимони тоҷик ва хориҷӣ дар пиряхи Ванҷях корҳои таҳқиқотӣ мегузаронанд
Дар ноҳияи Лахш бо мақсади пешгирии истифодаи ғайриқонунии неруи барқ вохӯрӣ доир шуд
Кадом шабакаҳои иҷтимоӣ ва паёмрасонҳо дар Тоҷикистон маъруфанд
Имрӯз дар Тоҷикистон гармии ҳаво ба 40 дараҷа мерасад
Дар Душанбе марҳилаи дуюми Лоиҳаи «Тавонмандсозии марказҳои матбуотӣ ва ҳамкории онҳо бо ВАО» оғоз ёфт
Дар вилояти Хатлон гардиши савдои хориҷӣ ба 210,2 миллион доллар баробар гардид
Имрӯз дар Тоҷикистон ҳавои тағйирёбанда дар назар аст
Кӯдакону наврасони ноҳияи Шаҳринав ба истироҳат фаро гирифта мешаванд
