Дар Парлумони Тоҷикистон бо ҳайати Ҳизби Коммунистии Чин мулоқот баргузор шуд

Февраль 23, 2024 19:00

ДУШАНБЕ, 23.02.2024 /АМИТ «Ховар»/. 22 феврал ҳайати Парлумони Тоҷикистон таҳти роҳбарии муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ бо ҳайати меҳмонон таҳти  роҳбарии узви Кумитаи Марказии Ҳизби Коммунистии Чин, муовини якуми директори Мактаби ҳизбии Кумитаи Марказии Ҳизби Коммунистии Чин Се Чунтао мулоқот намуд. Дар ин хусус АМИТ «Ховар» бо истинод ба Маҷлиси намояндагон хабар медиҳад.

Зимни мулоқот Мавсума Муинӣ иброз дошт, ки Тоҷикистон ва Чин давоми таърих бо ҳусни ҳамҷаворӣ зиста, ба ҳамдигар дӯстони неку шарикони боэътимод мебошанд. Дар ин ҷода аз саҳми бузурги роҳбарони  ду давлат- муҳтарам Эмомалӣ Раҳмон ва  Си Ҷин Пин сухан гуфт.

Маҷлиси намояндагони Маҷлиси Олии Ҷумҳурии Тоҷикистон ва Кумитаи доимии Маҷлиси Умумичинии намояндагони халқ робитаҳои мустаҳками дуҷониба амалӣ намудаанд, ки дар густариши эътимоди сиёсии ду давлат нақши муҳим дорад. Бояд гуфт, ки байни парлумонҳои ду мамлакат ҳамкории самарабахш амал намуда,  гурӯҳҳои дӯстии байнипарлумонии Тоҷикистон ва Чин таъсис ёфтаанд. Истифодаи самараноки иқтидори ин гурӯҳҳои дӯстӣ ба манфиат мебошад.

«Аз давраи барқароршавии робитаҳои дипломатӣ байни мамлакатҳои ҳамсоя ҳамкории дуҷониба бар пояи эҳтироми тарафайн, баробарӣ ва барои ҷонибҳо самарабахш рушду такомул меёбад. Ин муносибатҳо ба шарофати кӯшиш ва иродаи неки ҳарду ҷониб ба сатҳи шарикии стратегӣ расида, барои ҳамкории бисёрсамта таҳкурсии муносиб гузоштанд»,-  афзуд Мавсума Муинӣ.

Ҷонибҳо дар бораи таҳким бахшидани робитаҳои байнипарлумонӣ, алалхусус равнақ додани ҳамкорӣ байни кумитаҳо ва гурӯҳҳои дӯстӣ, ҳамкории мутақобилаи Маҷлиси намояндагони Маҷлиси Олии Ҷумҳурии Тоҷикистон бо мактаби ҳизбии назди Ҳизби Коммунистии Чин, табодули таҷриба, рушди ҳамкории иқтисодӣ дар доираи ташаббуси «Як камарбанд–як роҳ», равнақ додани робитаҳо дар соҳаи энергетика, иқтисоди «сабз», ҳамкории ҳизбҳои сиёсӣ ва дигар масоил табодули афкор намуданд.

АКС: Маҷлиси намояндагони Маҷлиси Олии Ҷумҳурии Тоҷикистон

Февраль 23, 2024 19:00

Хабарҳои дигари ин бахш

АМИТ «Ховар»: Намоишгоҳи маҳсулоти саноатии Ҷумҳурии Узбекистон дар Маркази ЭКСПО-и шаҳри Душанбе 3 рӯз идома меёбад
Раиси Маҷлиси намояндагони Маҷлиси Олии Ҷумҳурии Тоҷикистон бо Президенти Ҷумҳурии Узбекистон мулоқот намуд
Вакилони Маҷлиси намояндагони Тоҷикистон дар ҷаласаи муштараки комиссияҳои доимии Ассамблеяи байнипарлумонии ИДМ иштирок намуданд
Ба Қонуни Ҷумҳурии Тоҷикистон «Дар бораи пешгирии зӯроварӣ дар оила» тағйиру иловаҳо ворид карда шуд
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
Президенти Ҷумҳурии Тоҷикистон Эмомалӣ Раҳмон бо роҳбарон ва фаъолони вилояти Суғд машварати корӣ доир намуданд
Пешвои миллат Эмомалӣ Раҳмон дар шаҳри Истаравшан ба ятимон туҳфаҳо тақдим намуданд
Муовини Раиси Маҷлиси намояндагон бо Роҳбари Хазинаи кӯдакони Созмони Милали Муттаҳид дар Тоҷикистон мулоқот намуд
Дар Душанбе мулоқоти вакилони Парлумони Тоҷикистон бо намояндагони Туркманистон баргузор шуд
Вакили Парлумон дар ҷаласаи комиссияи назоратию буҷетии Ассамблеяи байнипарлумонии Иттиҳоди Давлатҳои Мустақил ба таври фосилавӣ иштирок намуд
Раиси Маҷлиси намояндагони Маҷлиси Олии Ҷумҳурии Тоҷикистон бо Пешвои миллии халқи туркман-Раиси Халқ Маслиҳатии Туркманистон мулоқот анҷом дод
«ВАССОФИ ВАТАН». Фестивал-озмуни тарғибгари дастовардҳои миллӣ оғоз гардид