Дар шаҳри Левакант корхонаи муштараки дӯзандагӣ бо фарогирии 500 ҷойи корӣ таъсис дода мешавад

Февраль 17, 2024 13:25

ДУШАНБЕ, 17.02.2024. /АМИТ «Ховар»/. Дар шаҳри Леваканти вилояти Хатлон корхонаи муштараки дӯзандагӣ таъсис дода мешавад. Ин масъала зимни вохӯрии муовини Раиси вилояти Хатлон Ҷамшед Каримзода бо ҳайати сармоягузорони Туркия, ки бо сафари корӣ ҷиҳати омӯзиши вазъи сармоягузорӣ дар соҳаи истеҳсолӣ дар Ҷумҳурии Тоҷикистон қарор дорад, баррасӣ гардид, хабар медиҳад АМИТ «Ховар»  бо истинод  ба  шуъбаи иттилоотию таҳлилии дастгоҳи Раиси вилояти Хатлон.

Корхона дар заминаи яке аз корхонаҳои истеҳсолии шаҳри Левакант таъсис дода шуда, иқтидори истеҳсолии он  дар як сол то 3 миллион  либоси ягона барои муассисаҳои томактабӣ, мактабӣ, тиббӣ, варзишӣ, ҳарбӣ ва дигар соҳаҳоро  ташкил медиҳад.

Маҳсулоти истеҳсолнамудаи корхона аз ашёи хоми ватанӣ, аз қабили пахта ва ресмон истифода шуда, дар мавриди  зиёд гардидани фармоиш, корхона имкон дорад, ки истеҳсоли маҳсулотро аз ин ҳам зиёд намояд, ки барои дар марҳилаи аввал таъмини талаботи бозори дохилӣ ва минбаъд барои содироти ин намуди маҳсулот ба хориҷи мамлакат нигаронида шудааст.

Бо фаъолияти корхонаи муштарак имкон фароҳам меояд, ки ҷойҳои кории нав таъсис ёфта, дар он то 500 нафар шаҳрвандон, аз ҷумла занони хонашин ба шуғли доимӣ ва маоши баланд таъмин шаванд.

Инчунин  дар корхонаи муштарак таҷҳизоти лазерӣ барои ҳаккокӣ дар матоъ, сканер барои ба таври худкор гирифтани андозаи либос, хатти технологӣ иборат аз таҷҳизоти махсус барои дӯхт, дарзмолкунӣ, банду баст ва хушкашӯии кимиёвии либос ворид ва насб мешавад. Ин имкон фароҳам меовард, ки ҳар як амалиёти дӯхти либос бо истифода аз таҷҳизоти алоҳидаи худкор ба роҳ монда шавад.

Дар корхона аз матои истеҳсолнамудаи ватанӣ бо андозаҳои гуногун тавассути технологияи муосир мувофиқ ба дархости мизоҷон либосҳои шинаму зебо барои мардон ва занон истеҳсол мешавад.

АКС аз бойгонӣ

Февраль 17, 2024 13:25

Хабарҳои дигари ин бахш

Дар ҷаласаи дуюми роҳбарони хадамоти гумрукии қолаби «Осиёи Марказӣ-Чин» се санади калидӣ ба имзо расид
Байни Тоҷикистон ва Корпоратсияи исломии рушди бахши хусусӣ механизмҳои сармоягузорӣ таҳия мегарданд
Дурнамои ҳамкорӣ бо Намояндагии Хазинаи кӯдакони Созмони Милали Муттаҳид дар Тоҷикистон баррасӣ карда шуд
Дар Суғд вобаста ба пешгирии истифодаи ғайриқонунии неруи барқ вохӯрӣ доир гардид
Тақвияти ҳамкории гумрукӣ байни Тоҷикистон ва Чин баррасӣ гардид
Ҳайати Тоҷикистон дар ифтитоҳи расмии ҷаласаҳои солонаи Гурӯҳи БИР иштирок намуд
«Саноатсодиротбонк» бо Бонки содиротию воридотии Арабистони Саудӣ Ёддошти тафоҳум ба имзо расонид
Дар мулоқот бо ҳайати Бонки ҷаҳонӣ тақвияти низоми молиявӣ баррасӣ гардид
Дар Алмато Шартҳои техникии Протокол оид ба мубодилаи маълумоти пешакии гумрукӣ байни Тоҷикистон ва Қазоқистон ба имзо расид
Байни Тоҷикистон ва Русия мубодилаи почта барқарор гардид
Дар Душанбе ҷалби сармояи ширкатҳои Саудӣ ба соҳаи энергетикаи Тоҷикистон баррасӣ шуд
Фонди ОПЕК маблағгузории лоиҳаҳои муҳими Тоҷикистонро идома медиҳад