Дар Тоҷикистон истеҳсоли асал 132 тонна зиёд шудааст
ДУШАНБЕ, 04.02.2024 /АМИТ «Ховар»/. Дар ҳамаи шаклҳои хоҷагидории ҷумҳурӣ соли 2023 беш аз 266 ҳазор оилаи занбӯри асал парвариш ёфта, дар ин давра 4697 тонна асал истеҳсол шудааст, ки 132 тонна нисбат ба ҳамин давраи соли 2022 зиёд мебошад. Дар ин хусус 1 феврали соли 2024 зимни баргузории нишасти матбуотии Вазорати кишоварзии мамлакат иттилоъ дода шуд.
Вазири кишоварзӣ Қурбон Ҳакимзода изҳор намуд, ки бо мақсади рушди соҳаи занбӯриасалпарварӣ ва ҳавасмандгардонии занбӯриасалпарварон аввалин маротиба дар мамлакат соли 2005 «Иди асал» доир гардида, ҳамасола он дар пойтахти мамлакат ва шаҳру ноҳияҳо баргузор мегардад.
Иттилоъ дода шуд, ки ҷиҳати амалӣ намудани содироти асал дар ҳамкорӣ бо Маркази байналмилалии савдо зиёда аз сад намунаи асали Тоҷикистон аз озмоишгоҳҳои дорои аккредитатсияи байналмилалии давлати Олмон аз ташхиси лабораторӣ гузашта, бинобар мусбат арзёбӣ гардидани сифати онҳо ба бозори давлатҳои Иттиҳоди Аврупо роҳ ёфтаанд.
Бояд гуфт, ки рушди соҳа ва афзоиши истеҳсоли асал имконият дод, ки дар пойтахти мамлакат – шаҳри Душанбе ва дигар шаҳру ноҳияҳои ҷумҳурӣ мағозаҳои зиёди фурӯши асал ва маҳсулоти занбӯриасалпарварӣ ташкил шуда, ин намуди маҳсулот ба шаҳрвандон ва меҳмонони мамлакат мунтазам дастрас гардад.
Дар натиҷаи татбиқи барномаҳои рушди соҳа шумораи оилаҳои занбӯри асал дар ҳамаи шаклҳои хоҷагидории ҷумҳурӣ соли 2022 ба 264 ҳазор ва истеҳсоли асал ба 4,6 ҳазор тонна расонида шуд, ки нисбат ба соли 1991 шумораи оилаҳои занбӯри асал 4,3 баробар, истеҳсоли асал 7,7 баробар ва маҳсулнокии оилаҳо 1,8 баробар зиёд гардид.
Ёдовар мешавам, ки дар мамлакат соли 1991 ҳамагӣ 61 ҳазор оилаи занбӯри асал парвариш ёфта, ба ҳисоби миёна аз ҳар оила 9,7 килограмм асал ва дар маҷмуъ 593 тонна асал истеҳсол мегардид.
Шаҳлои САДРИДДИН,
АМИТ «Ховар»
АКС: АМИТ «Ховар»
Байни Тоҷикистон ва Арабистони Саудӣ ҳамкорӣ дар истифодаи устувори захираҳои об тақвият меёбад
Иштирокдорони Конфронси байналмилалии сатҳи баланд оид ба ҳифзи пиряхҳо тавассути VR айнакҳо пиряхҳои Тоҷикистон ва ҷаҳонро тамошо намуданд
Дар Рашт ҷаласаи комиссияи корӣ оид ба истифодаи неруи барқ доир гардид
Соҳибкорзан Зарринаи Сафаралӣ: «Дастрасӣ ба гранти президентӣ омили пешрафти соҳибкории занон аст»
Дар Душанбе роҳҳои нави ҳамкории иқтисодӣ байни Тоҷикистон ва Вилояти Мухтори Синзян-Уйғури Чин баррасӣ гардиданд
Дар Душанбе тавсеаи ҳамкории Тоҷикистон бо Иттиҳоди Аврупо дар соҳаи энергетика баррасӣ шуд
Барномаи рақамикунонии соҳаи кишоварзии Ҷумҳурии Тоҷикистон барои солҳои 2025-2030 қабул гардид
Тоҷикистон аъзои Иттиҳоди байналмилалии ҳифзи табиат (IUCN) гардид
Вазорати энергетикаи Тоҷикистон бо ташкилоти байналмилалӣ санадҳои нави ҳамкорӣ ба имзо расонид
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Он самтҳои калидии ҳамкории байналмилалӣ, таҳқиқоти илмӣ ва қарорҳои сиёсиро фаро мегирад
Вобаста ба устувории молиявӣ барои ҳифзи пиряхҳо ва устувории иқтисодӣ дар Тоҷикистон ҳамоиш доир шуд
«АЗ ПИРЯХҲО ТО ХОҶАГИДОРОН». Барои нуҳ давлат барномаи нав таҳия карда мешавад
