Донишгоҳи давлатии тиҷорати Тоҷикистон: «Баланд бардоштани маҳорати касбии омӯзгорон яке аз масъалаҳои асосии раванди таълим маҳсуб мешавад»
ДУШАНБЕ, 01.02.2024. /АМИТ «Ховар»/. Соли гузашта 50 нафар омўзгори Донишгоҳи давлатии тиҷорати Тоҷикистон ба курсҳои омўзишии такмили ихтисос дар дохил ва берун аз мамлакат ҷалб гардиданд. Инчунин аз ҷониби шуъбаи таҷрибаомўзӣ ва рушди касбияти донишгоҳ 6 курси кутоҳмуддати омўзишӣ ташкил гардида, 112 нафар омўзгор дар онҳо такмили ихтисос намуданд. Ин матлабро зимни нишасти матбуотӣ ректори Донишгоҳи давлатии тиҷорати Тоҷикистон Хайрулло Назарзода баён дошт.
Хайрулло Назарзода гуфт, ки раёсати Донишгоҳи давлатии тиҷорати Тоҷикистон ҷиҳати иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон дар мавриди баланд бардоштани сатҳи таълиму тарбия тадбирҳои муассир андешида, аз ҷумла ба яке аз масъалаҳои асосии раванди таълим — баланд бардоштани маҳорати касбии омўзгорон таваҷҷуҳи махсус зоҳир менамояд.
Номбурда ёдовар шуд, ки Сарвари давлат пайваста таъкид менамоянд, ки мо, устодони муассисаҳои олии мамлакат ба донишҷўён танҳо диплом не, балки дониши мукаммал диҳем, онҳоро ҳамчун мутахассисони варзида ба камол расонем, то дар рушди Ватан саҳми арзанда гузоранд. Бояд гуфт, ки таъмини сатҳи баланди донишомўзӣ дар кадом муассисаи таълимие, ки набошад ба омўзгорони касбияташон баланд вобастагӣ дорад.
«Инчунин дар донишгоҳ ҷиҳати татбиқи «Консепсияи гузариш ба таҳсилоти рақамӣ» курсҳои кутоҳмуддат барои омўзгорон аз рўи Барномаи «Рақамикунонии таҳсилот» гузаронида шуд, ки дар он 90 нафар омўзгорон иштирок намуда, дар ин самт маълумоти зарурӣ гирифтанд»,-илова намуд ректор.
Дар нишасти хабарӣ гуфта шуд, ки Донишгоҳи давлатии тиҷорати Тоҷикистон тибқи раддабандии Агентии назорат дар соҳаи илм ва маорифи назди Президенти Ҷумҳурии Тоҷикистон, дар байни муассисаҳои таҳсилоти олии касбӣ ба даҳгонаи беҳтарин муассисаҳои олии Тоҷикистон шомил гардидааст.
АКС: АМИТ «Ховар»
Дар Донишгоҳи давлатии Бохтар ду озмоишгоҳи муосир ба истифода дода шуд
Дар Литсей барои хонандагони болаёқат дар шаҳри Душанбе ҷашни Наврӯз бо риояи расму ойини миллӣ таҷлил гардид
Дар Донишгоҳи давлатии Хуҷанд озмуни «Беҳтарин эҷодкори достонҳои «Шоҳнома»» ҷамъбаст гардид
Дар Донишгоҳи давлатии молия ва иқтисоди Тоҷикистон оид ба ҳифз, эҳё ва рушди забони миллӣ машварати омӯзишӣ доир шуд
Қабули довталабон барои таҳсил дар муассисаҳои таҳсилоти олии Ҷумҳурии Мардумии Чин оғоз гардид
Дар Донишгоҳи байналмилалии забонҳои хориҷии Тоҷикистон даври муассисавии Озмуни ҷумҳуриявии «Шоҳномахонӣ» доир шуд
«БАҲОРИ МАЪРИФАТ: МОДАР, ҚАЛАМ ВА НАВРӮЗ».Таҳти ин унвон дар Душанбе ҳамоиши идона доир шуд
Дар Донишгоҳи техникии Тоҷикистон оид ба таҳсилоти муҳандисӣ ва технологияҳои рақамӣ конфронс баргузор шуд
Донишгоҳи технологии Тоҷикистон бо панҷ муассисаи таҳсилоти олии Узбекистон созишномаи ҳамкорӣ ба имзо расонид
Байни Донишгоҳи давлатии Бохтар ва се донишгоҳи Узбекистон созишномаи ҳамкорӣ ба имзо расид
Байни Институти илмию таҳқиқотии сайёҳӣ ва соҳибкорӣ ва Донишкадаи соҳибкорӣ ва педагогии Деҳнави Узбекистон санади ҳамкорӣ ба имзо расид
ТАЪТИЛИ БАҲОРӢ. Хонандагони муассисаҳои таълимии Тоҷикистон чанд рӯз истироҳат мекунанд?
