Маркази миллии тестии назди Президенти Ҷумҳурии Тоҷикистон даври сеюми корҳои иттилоърасониро оғоз намуд
ДУШАНБЕ, 02.02.2024 /АМИТ «Ховар»/. 1 феврал дар Маркази миллии тестии назди Президенти Ҷумҳурии Тоҷикистон даври сеюми корҳои иттилоърасонӣ оғоз гардид. Бо ин мақсад 39 корманди Марказ барои ташкилу баргузории вохӯриҳо аз 1 то 9 феврал ба 68 шаҳру ноҳияи ҷумҳурӣ ҷалб мегарданд, хабар медиҳад АМИТ «Ховар» бо истинод ба Маркази миллии тестӣ.
Дар вохӯрие, ки дар Муассисаи таълимии таҳсилоти миёнаи умумии № 2‑и ноҳияи Данғараи вилояти Хатлон бо иштироки 500 хатмкунандаи 8 муассисаи таълимии ин ноҳия ва волидону омӯзгорон доир гардид, дар он директори Маркази миллии тестӣ Сабзалӣ Ҷаъфарзода иштирок намуд.
Мавсуф ба довталабон муроҷиат намуда, баён дошт, ки бо ҳамаи ин шароите, ки Марказ бо дастгирии Ҳукумати Ҷумҳурии Тоҷикистон таҳти сиёсати маорифпарваронаи Президенти Ҷумҳурии Тоҷикистон муҳтарам Эмомалӣ Раҳмон бароятон муҳайё намудааст, шумо тамоми имкониятро баҳри донишҷӯ шудан доред.
«Омӯзед, барномаҳои таълимии муассисаҳои таълимии таҳсилоти миёнаро аз худ намоед, ба имтиҳонҳо хуб омода шавед ва танҳо ба донишу маҳорат ва лаёқати худ такя созед. Фирефтаи ашхоси қаллобу маккор нагардед, зеро дастгири шумо барои донишҷӯ ва соҳиби таҳсилоти миёна ё олии касбӣ шудан танҳо донишу кӯшишатон хоҳад буд»,- таъкид намуд директори Марказ.
Иттилоъ дода шуд, ки дар асоси нақшаи кории Марказ барои шиносоӣ пайдо намудани довталабон ва алоқамандони дигари Имтиҳонҳои марказонидаи дохилшавӣ (ИМД) аз низоми ин имтиҳонҳо моҳҳои феврал ва марти соли 2024 дар 3799 муассисаи таълимии шаҳру ноҳияҳои ҷумҳурӣ бо ҷалби зиёда аз 150000 хатмкунандаи мактабҳо вохӯриҳо доир мешаванд.
Марказ дар ин давра ҳамчунин тақдиму дастрас намудани маводи иттилоотию методии марбут ба имтиҳонҳои марказонидаи дохилшавӣ, аз ҷумла дастури иттилоотию методии «Роҳнамои довталаб», маҷмуаи саволу масъалаҳои тести қисми А (имтиҳон дар заминаи таҳсилоти умумӣ – синфи 11-ум) ва қисми Б (имтиҳон дар заминаи таҳсилоти умумии асосӣ – синфи 9-ум)-ро ба муассисаҳои таълимӣ ба таври ройгон дар назар дорад.
АКС: Маркази милии тестии назди Президенти Ҷумҳурии Тоҷикистон
НИШАСТИ МАТБУОТӢ. Донишгоҳи давлатии тиҷорати Тоҷикистон бо 11 муассисаи таҳсилоти олии касбии хориҷи мамлакат шартномаи ҳамкорӣ дорад
НИШАСТИ МАТБУОТӢ. Дар Донишгоҳи техникии Тоҷикистон кадрҳои соҳибтахассус ва дар бозори меҳнат рақобатпазир омода карда мешаванд
Дар Маркази таълимии касбомӯзии Донишгоҳи давлатии омӯзгорӣ 100 нафар ба таълим фаро гирифта шуд
НИШАСТИ МАТБУОТӢ. Донишгоҳи давлатии омӯзгории Тоҷикистон мутахассисони баландихтисосу забондон омода менамояд
Дар назди Донишгоҳи миллии Тоҷикистон Маркази омӯзиши паёмҳои Президенти Тоҷикистон таъсис мешавад
НИШАСТИ МАТБУОТӢ. 31 донишҷӯи Академияи идоракунии давлатӣ ба муассисаҳои таҳсилоти олии хориҷи мамлакат фиристода шуданд
Дар Донишгоҳи технологии Тоҷикистон «Стратегияи муқовимат ба терроризм ва экстремизм дар Ҷумҳурии Тоҷикистон» баррасӣ гардид
БАРДОШТ АЗ ПАЁМ. Дар шаҳри Панҷакент 4 бинои нави мактаб ва 1 кӯдакистон сохта мешавад
Дар ноҳияи Кӯшониён бинои иловагии муассисаи таҳсилоти миёнаи умумӣ ифтитоҳ гардид
Дар Донишгоҳи технологии Тоҷикистон Маркази таълимӣ оид ба омода намудани мутахассисони хурди касбӣ таъсис меёбад
Рӯзи байналмилалии маориф дар соли 2025 ба мушкилоти зеҳни сунъӣ бахшида шуд
Дар Донишгоҳи давлатии Кӯлоб оид ба нақши овози ҳар интихобкунанда дар интихобот машварати омӯзишӣ доир гардид
