Намояндагии Маҷлиси Олии Ҷумҳурии Тоҷикистон дар Ассамблеяи байнипарлумонии давлатҳои иштирокчии ИДМ дар шаҳри Санкт-Петербург баъди навсозӣ расман ифтитоҳ шуд
ДУШАНБЕ, 15.02.2024 /АМИТ «Ховар»/. Дар қароргоҳи расмии Ассамблеяи байнипарлумонии давлатҳои иштирокчии Иттиҳоди Давлатҳои Мустақил дар шаҳри Санкт-Петербурги Федератсияи Русия Намояндагии Маҷлиси Олии Ҷумҳурии Тоҷикистон расман ифтитоҳ гардид. Дар ин хусус ба АМИТ «Ховар» дар Намояндагии Маҷлиси Олии Ҷумҳурии Тоҷикистон дар Ассамблеяи парлумонии Созмони Аҳдномаи амнияти дастҷамъӣ (АП СААД) хабар доданд.
Намояндагии Маҷлиси Олии Ҷумҳурии Тоҷикистон, воқеъ дар қасри Таврийи шаҳри Санкт-Петербург бо ташаббуси Президенти Ҷумҳурии Тоҷикистон муҳтарам Эмомалӣ Раҳмон ва дастгириҳои пайвастаи Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ ва Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода пурра таъмиру навсозӣ ва таҷдид гардид.
Маросими расмии ифтитоҳи намояндагии Маҷлиси Олии Ҷумҳурии Тоҷикистон бо иштироки намояндагону меҳмонон аз Ассамблеяи байнипарлумонии давлатҳои иштирокчии Иттиҳоди Давлатҳои Мустақил, Котиби генералии Шурои Ассамблеяи байнипарлумонии давлатҳои иштирокчии Иттиҳоди Давлатҳои Мустақил Дмитрий Кобитский, Котиби масъули Ассамблеяи парлумонии Созмони Аҳдномаи амнияти дастҷамъӣ Сергей Поспелов, намояндагони ваколатдори давлатҳои аъзо ва намояндагони васеи воситаҳои ахбори оммаи Федератсияи Русия баргузор шуд.
Намояндагии Маҷлиси Олии Ҷумҳурии Тоҷикистон дар Ассамблеяи байнипарлумонии давлатҳои иштирокчии Иттиҳоди Давлатҳои Мустақил дар фазои тантанавӣ ифтитоҳ гардида, меҳмонон аз фазо ва меъмории хоси он изҳори хушнудӣ намуданд.
Бояд гуфт, ки Ҷумҳурии Тоҷикистон давоми солҳои соҳибистиқлолӣ дар тамоми ташкилоти бонуфузи байналмилалию минтақавӣ соҳиби овози комили худ гардидааст ва дар ҳалли масъалаҳои муҳими минтақавиву ҷаҳонӣ саҳми босазо мегузорад. Бо бовариву қатъияти комил метавон гуфт, ки муовини Котиби генералии Шурои Ассамблеяи байнипарлумонии давлатҳои иштирокчии Иттиҳоди Давлатҳои Мустақил, Намояндаи Маҷлиси Олии Ҷумҳурии Тоҷикистон дар Ассамблеяи байнипарлумонии давлатҳои иштирокчии Иттиҳоди Давлатҳои Мустақил Абдухалил Ғафурзода рисолати навбатии масъулиятнокро пурра адо намуда, дар ҳифзи манфиатҳои миллӣ, ҳимояи арзишҳои давлатӣ ва татбиқи сиёсати Ҳукумати Ҷумҳурии Тоҷикистон саҳми арзанда мегузорад.
АКС: Намояндагии Маҷлиси Олии Ҷумҳурии Тоҷикистон дар Ассамблеяи парлумонии СААД
Дар Маҷлиси намояндагон дар масъалаи идоракунии интернет, рақамикунонӣ ва технологияҳои муосири инноватсионӣ вохӯрӣ доир гардид
Муовини Раиси Маҷлиси намояндагон бо ҳайати сенаторони Гурӯҳи дӯстии Сенати Фаронса «Фаронса — Осиёи Марказӣ» вохӯрӣ намуд
Доир ба рафти иҷрои «Барномаи рушди забони давлатӣ барои солҳои 2020-2030» муҳокимаи парлумонӣ баргузор шуд
Дар Маҷлиси намояндагон бо Гурӯҳи дӯстӣ ва ҳамкории парлумонии Олмон—Осиёи Марказӣ мулоқот баргузор шуд
Ҷаласаи навбатии иҷлосияи дуюми Маҷлиси намояндагони Маҷлиси Олӣ, даъвати ҳафтум баргузор гардид
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
Ҷаласаи маҷозии Муколамаи занон – роҳбарони Осиёи Марказӣ доир шуд
Файзалӣ Идизода дар ҷаласаи Шурои Ассамблеяи парламентии СААД дар шаҳри Москва иштирок намуд
Барно Саидвализода дар ҷаласаи Комиссияи доимии Ассамблеяи байнипарлумонии давлатҳои иштирокдори ИДМ оид ба илм ва маориф иштирок намуд
Файзалӣ Идизода дар музокироти умумии Ассамблеяи 152-юми Иттиҳоди байнипарламентӣ дар шаҳри Истанбул иштирок намуд
Вакили Маҷлиси намояндагон дар ҷаласаи ҳамоҳангсози Ассамблеяи парламентии Осиё иштирок намуд
Раиси Маҷлиси намояндагони Тоҷикистон бо Раиси Жогорку Кенеши Қирғизистон вохӯрӣ намуд
