НИШАСТИ МАТБУОТӢ. Агентии назорати давлатии молиявӣ ва мубориза бо коррупсия 345,4 миллион сомонӣ зарарро ба фоидаи давлат барқарор намуд
ДУШАНБЕ, 16.02.2024 /АМИТ «Ховар»/. Соли 2023 мутахассисони самти назорати давлатии молиявии Агентӣ дар вазорату идораҳо, мақомоти иҷроияи ҳокимияти давлатӣ, марказҳои татбиқи лоиҳаҳои сармоягузорӣ, субъектҳои хоҷагидори давлатӣ ва дигар муассисаҳои буҷетӣ 248 тафтишу санҷиши молиявӣ гузаронида, ба маблағи умумии 265,9 миллион сомонӣ зарар ошкор намуданд. Дар ин хусус Директори Агентии назорати давлатии молиявӣ ва мубориза бо коррупсияи Ҷумҳурии Тоҷикистон Сулаймон Султонзода ба хабарнигорон иттилоъ дод.
Мавсуф афзуд, ки тавассути тадбирҳои андешида аз маблағҳои ошкоршудаи зарар 261,4 миллион сомонӣ ба манфиати давлат барқарор шудааст.
Ҳамин тариқ, соли 2023 Агентӣ дар ҳамаи самтҳои фаъолият 345,4 миллион сомониро ба фоидаи давлат барқарор намудааст, ки 251,2 миллион сомонии он даромад ба суратҳисобҳои буҷетӣ ва 94,2 миллион сомонӣ ба фоидаи ташкилоту муассисаҳои давлатӣ мебошад.
Агентӣ ҷиҳати тарғибу ташвиқи сиёсати кормандони зиддикоррупсионӣ ва пешгирии ҳуқуқвайронкунии коррупсионӣ дар ин самт баҳри баланд бардоштани маърифати зиддикоррупсионии хизматчиёни давлатӣ, кормандони мақомоти қударатӣ ва инчунин дигар корхонаву муассисаҳо, ҳамзамон аҳолӣ чорабиниҳои зиддикоррупсионӣ мегузаронад.
Соли 2024 вобаста ба амалӣ гардонидани барномаҳои давлатӣ, стратегияҳо, инчунин супоришҳои Ҳукумати Ҷумҳурии Тоҷикистон дар ҳамбастагӣ бо дигар мақомот кормандони Агентӣ кӯшиш ба харҷ медиҳанд, ки дар самти баланд бардоштани маърифати ҳуқуқӣ, бо иштироки созмонҳои байналмилалӣ, ҷомеаи шаҳрвандӣ ва дигар мақомоти давлатӣ конфронс ва форуми байналмилалӣ баргузор намоянд.
София ШОИК,
АМИТ «Ховар»
АКС: АМИТ «Ховар»
Соли равон дар Суғд ба маблағи беш аз 5,3 миллиард сомонӣ маҳсулоти кишоварзӣ истеҳсол шудааст
Ба Конфронси сеюми байналмилалии сатҳи баланд оид ба об дар Душанбе аз ҷониби коршиносони байналмилалӣ баҳои баланд дода шуд
Вазири энергетика ва захираҳои об: «Воридоти маҳсулоти нафтӣ ба ҷумҳурӣ дар соли равон афзудааст»
Намояндагони Бонки ҷаҳонӣ ба Конфронси байналмилалӣ оид ба ҳифзи пиряхҳо дар Душанбе даъват гардиданд
«ПОМИРИНВЕСТ – 2024». Дар давоми ду соли баргузории ин Форуми байналмилалӣ ба иқтисоди ВМКБ беш аз 2 миллиард сомонӣ сармоя ворид гардид
Имрӯз дар шаҳри Хоруғ Форуми байналмилалии «Помиринвест -2024» оғоз гардид
Дар Душанбе вазъи кунунӣ ва дурнамои рушди бозори коғазҳои қиматнок баррасӣ шуд
Барои сохтмони НБО-и «Себзор» аз ҷониби Бонки Олмонии рушд беш аз 44 миллион евро грант ҷудо мегардад
Дар Душанбе мулоқоти намояндагони ширкатҳои дорусозии Ҳиндустон бо соҳибкорони тоҷик баргузор гардид
Дар қароргоҳи Созмони Милали Муттаҳид нишасти Гурӯҳи дӯстони пиряхҳо баргузор гардид
Дар Тоҷикистон дар соҳаи энергетика 11 лоиҳаи давлатии сармоягузорӣ татбиқ мешавад
То охири соли равон 900 гектар заминҳои аз гардиши кишоварзӣ берунмонда барқарор мегардад
