НИШАСТИ МАТБУОТӢ. Дар «Тоҷикфилм» шуъбаи филмноманависон ва мактаби синамогарони ҷавон таъсис ёфт
ДУШАНБЕ, 06.02.2024 /АМИТ «Ховар»/. Дар Муассисаи давлатии «Тоҷикфилм» соли 2023 бо ҷалби мутахассисони ҳирфаӣ шуъбаи филмноманависон таъсис дода шуд. Ҳадаф аз таъсиси он пешниҳоди филмномаҳои хубу баландмазмун барои тақвияти корҳои эҷодиву истеҳсолӣ мебошад. Дар ин хусус 6 феврал зимни нишасти матбуотӣ директори Муассисаи давлатии «Тоҷикфилм» Маҳмадсаид Шоҳиён ба намояндагони воситаҳои ахбори омма иттилоъ дод.
Ҳамзамон гуфта шуд, ки соли 2023 дар муассиса мактаби синамогарони ҷавон «Навомӯз» ба номи Муҳаббат Сатторӣ расман ба фаъолият шуруъ намуд, ки ҳоло 17 шунавандаро ба таълим фаро гирифтааст.
«Мақсади таъсиси мактаби синамогарӣ тарбияи кадрҳои қобилиятноку лаёқатманд ва ҷалби ҷавонон ба соҳаи синамо мебошад»,-иттилоъ дод директори муассиса.
Дар нишаст ҳамзамон иброз гардид, ки дар ин давра ҷиҳати табодули таҷриба ва таҳкими ҳамкории судманд доир ба татбиқи лоиҳаҳои муштараки синамоӣ 6 қарордоди синамоӣ- Ёддошти тафоҳум оид ба ҳамкорӣ дар соҳаи синамо байни Муассисаи давлатии «Тоҷикфилм» бо Созмони умури синамоӣ ва маводи аудиовизуалии Вазорати фарҳанг ва иршоди исломии Ҷумҳурии Исломии Эрон, бо телевизиони «ifilm»-и Ҷумҳурии Исломии Эрон ва ширкати «Амкарт»- и Федератсияи Русия, бо Ҷамъияти саҳомии «Роскино», бо Муассисаи давлатии буҷавии фарҳангии Ҷумҳурии Тотористон «Татаркино», бо киностудияи «Озарбойҷонфилм» ба номи Ҷафар Ҷабборли, бо Маркази синамои миллии Молдова қарордоди ҳамкорӣ ба имзо расонида шуданд.
Гуфта шуд, ки соли 2024 таҳияи 11 филм, аз ҷумла 3 филми ҳунарии пурра, 2 филми ҳунарии кӯтоҳ, 4 филми мустанад, 2 филми тасвирӣ ва баргузории Синамоҷоизаи миллии «Тоҷи Сомон», Рӯзҳои кинои Ҷумҳурии Тоҷикистон дар кишварҳои хориҷӣ дар мувофиқа бо Ҳукумати Ҷумҳурии Тоҷикистон, Рӯзҳои кинои кишварҳои хориҷӣ дар Тоҷикистон тибқи дархост ва нахустнамоиши филмҳо ба нақша гирифта шудааст.
София ШОИК,
АМИТ «Ховар»
АКС: АМИТ «Ховар»
ШЕЪР ВА ИСТИҚЛОЛ. Назми муосири тоҷик дар солҳои соҳибистиқлолии Тоҷикистон дар сафи пеши худшиносии миллӣ ва ҳаракати ваҳдати миллӣ қарор гирифт
Кормандони соҳаи фарҳанг бо мукофотҳои давлатӣ сарфароз гардиданд
Се китоби рӯзномаи «Ҷумҳурият»: «Эмомалӣ Раҳмон ва эҳёи тамаддуни ориёӣ», «Бозгашти қаҳрамон» ва «Бозгашти қаҳрамон 2» муаррифӣ гардид
Конференсияи ҷумҳуриявии «Забон рукни муҳимми Истиқлоли давлатӣ ва ҳамбастагии ҷомеа» баргузор гардид
Дар Озмуни байналмилалии «Санъати китоб» «Шоҳнома»-и Абулқосим Фирдавсӣ сазовори Шоҳҷоиза гардид
35 СОЛИ СОҲИБИСТИҚЛОЛӢ. Дар Тоҷикистон соли 1991 танҳо 15 театр фаъолият мекард
«Эмомалӣ Раҳмон — муаррифгари таърихи ниёгон ва тамаддуни навини тоҷикон». Таҳти ин унвон китоб ба нашр расид
Дар шаҳри Душанбе маҳфили «Шоҳномахонӣ» баргузор шуд
«ТОҶИ СОМОН». Қабули филмҳо барои иштирок дар синамоҷашнвораи миллӣ то 15 сентябр идома меёбад
«МОДАРНОМА». Дар Осорхонаи миллӣ намоиши асарҳои Рассоми халқии Тоҷикистон Сабзаалӣ Шариф ифтитоҳ ёфт
СОТИМ УЛУҒЗОДА ВА ҚАДРШИНОСИИ ПЕШВОИ МИЛЛАТ. Эҳдо ба 115-солагии Нависандаи халқии Тоҷикистон Сотим Улуғзода
Дар Душанбе китоби «Президент сказал: Любите!…» рӯнамоӣ гардид
