НИШАСТИ МАТБУОТӢ. Соли 2023 ба Тоҷикистон зиёда аз 1,4 миллион тонна маҳсулоти нафтӣ ворид гардид
ДУШАНБЕ, 08.02.2024 /АМИТ «Ховар»/. Соли 2023 ба ҷумҳурӣ 1 миллиону 413 ҳазору 600 тонна маҳсулоти нафтӣ ба маблағи 892 миллион доллар бо нархи миёнаи 631 доллар ворид гардидааст, ки нисбат ба ҳамин давраи соли гузашта 164,2 ҳазор тонна зиёд буда, нархи миёнаи воридотии он нисбат ба моҳҳои январ-декабри соли гузашта 98 доллар ё ба андозаи 13,4 фоиз коҳиш ёфтааст. Аз ин 436,5 ҳазор тоннаро сӯзишвории дизелӣ, 348,1 ҳазор тоннаро бензин, 411 ҳазор тоннаро гази моеъ ва 218 ҳазор тоннаи дигарро маҳсулоти нафтӣ ташкил медиҳад. Дар ин хусус 7 феврал дар нишасти матбуотии Хадамоти зиддиинҳисории назди Ҳукумати Ҷумҳурии Тоҷикистон иттилоъ дода шуд.
Дар ин давра 38 субъекти хоҷагидор 436,5 ҳазор тонна сӯзишвории дизелӣ ба маблағи 327,7 млн доллар бо нархи миёнаи 751 доллар ворид намуданд, ки ин нишондиҳанда нисбат ба ҳамин давраи соли гузашта 49,4 ҳазор тонна зиёд ва нархи миёнаи воридотии он нисбат ба моҳҳои январ-декабри соли гузашта 125 доллар ё ба андозаи 14,3 фоиз коҳиш ёфтааст.
Воридкунандагони бензин дар ин давра ба ҷумҳурӣ 348,1 ҳазор тонна бензин ба маблағи 228,1 миллион доллар ва бо нархи миёнаи 655 доллар ворид намуданд, ки нисбат ба ҳамин давраи соли гузашта 28,3 ҳазор тонна зиёд мебошад. Нархи миёнаи воридоти як тонна бензин моҳи декабри соли 2023 ба 655 доллар баробар гардид, ки нисбат ба моҳи январи ҳамин сол 131 доллар ё 20 фоиз афзоиш ёфтааст.
Сабабҳои асосии тағйир ёфтани нархи сӯзишворӣ дар бозори дохилӣ- ин давоми соли 2023 ноустувор будани арзиши 1 тоннаи он дар давлатҳои содиркунанда ва ҷорӣ гардидани баъзе монеаҳо аз ҷониби ин мамлакатҳо арзёбӣ мегардад. Дар баробари ин нархи 1 барел нафт низ соли 2023 аз 84 доллари моҳи январ ба 92 доллар дар моҳи сентябр баробар гардид.
Инчунин дар нишаст гуфта шуд, ки соли 2023 54 муроҷиати шахсони воқеӣ ва ҳуқуқӣ, аз ҷумла шахсони хориҷӣ вобаста ба ҷой доштани рақобати бевиҷдонона бо роҳи инфиродкунонии истифодаи моликияти зеҳнӣ дар бозори ҳудуди Тоҷикистон мавриди баррасӣ қарор дода шуд. Тибқи талаботи моддаҳои 16 ва 22 Қонуни Ҷумҳурии Тоҷикистон «Дар бораи ҳимояи рақобат» тадбирҳои зарурӣ андешида шуда, қарор, амрнома ва фармоишҳои Хадамоти зиддиинҳисорӣ оид ба бартараф ва қатъ намудани ҳуқуқвайронкуниҳо қабул шуданд.
Раъно НУСРАТУЛЛО,
АМИТ «Ховар»
АКС: АМИТ «Ховар»
Дар ноҳияи Ашт беш аз 14 ҳазор тонна пахта ҷамъоварӣ карда мешавад
Дар «Роҳи оҳани Тоҷикистон» 34-солагии Истиқлоли давлатиро бо тантана таҷлил намуданд
Бахшида ба Истиқлоли давлатӣ кормандони Агентии назорати давлатии молиявӣ ва мубориза бо коррупсия бо рутбаҳои навбатӣ қадрдонӣ шуданд
Дар замони соҳибистиқлолии Тоҷикистон даромадҳои пулии аҳолӣ аз 1 миллиард то 147 миллиард сомонӣ зиёд гардид
Намояндаи Тоҷикистон дар Форуми нуҳуми зерминтақавӣ оид ба Ҳадафҳои рушди устувор иштирок намуд
Дурнамои тақвияти ҳамкории Тоҷикистон ва Арабистони Саудӣ дар соҳаи авиатсия баррасӣ гардид
Байни Тоҷикистон ва Чин Ёддошти тафоҳум оид ба ҳамкории оморӣ ба имзо расид
Дар Душанбе ҷаласаи 107-уми Шурои иқтисодии ИДМ баргузор гардид
Ҷаласаи 18-уми Комиссияи байниҳукуматии Тоҷикистону Беларус оид ба ҳамкории тиҷоратию иқдисодӣ баргузор мешавад
Тоҷикистон ва Чин ҳамкориро дар соҳаи рушди иқтисоди «сабз» ва камкарбон густариш медиҳанд
Имрӯз дар Душанбе ҷаласаи 107-уми Шурои иқтисодии Иттиҳоди Давлатҳои Мустақил доир мегардад
Татбиқи лоиҳаҳои давлатии сармоягузорӣ дар соҳаҳои иқтисодиёти Тоҷикистон бо Барномаи рушди СММ баррасӣ гардид
