НИШАСТИ МАТБУОТӢ. Соли 2023 фаъолияти 41 гурӯҳи ҷиноятӣ дар ҳайати 77 нафар ва 1 гурӯҳи муташаккили ҷиноятпеша ошкор ва қатъ гардид
ДУШАНБЕ, 05.02.2024 /АМИТ «Ховар»/. Соли 2023 дар ҷумҳурӣ аз муомилоти ғайриқонунӣ 5 тоннаву 282 килограмму 814 грамм маводи нашъаовар мусодира шудааст, ки нисбат ба соли 2022 (4 т 991 кг 176 гр) 5,8 фоиз ë 291 кг 638 грамм зиёд мебошад. Дар ин хусус имрӯз директори Агентии назорати маводи нашъаовари назди Президенти Ҷумҳурии Тоҷикистон Самад Зафар зимни нишасти матбуотӣ ба рӯзноманигорон иттилоъ дод.
Самад Зафар афзуд, ки дар ин давра аз ҷониби мақомоти ҳифзи ҳуқуқ мусодираи маводи нашъовари героин 73,4 фоиз ё 178 кг зиёд (2022- 243кг 588 гр), гурӯҳи бангдона 16,8 фоиз ё ин ки 631 кг (2022- 3 тоннаву 752 кг 946 гр) ва маводи нашъовари ҳашиш 19,4 фоиз ё 696 кг (2022- 3 тоннаву 597 кг 288 гр) зиёд шудааст.
«Соли 2023 ҳаҷми мусодираи маводи нашъаовар аз ҷониби Агентӣ 4,9 фоиз коҳиш ёфта, вале мусодираи моддаҳои психотропӣ, ки хатари бештар доранд, 3,8 маротиба, инчунин афюн 37,2 фоиз афзоиш ёфтааст. Ҳамчунин соли гузашта фаъолияти 41 (2022 — 37) гурӯҳи ҷиноятӣ дар ҳайати 77 (2022-89) нафар, ҳамчунин 1 гурӯҳи муташаккили ҷиноятпеша ошкор ва қатъ шуд»,-илова кард Директори Агентӣ.
Иброз гардид, ки тибқи маълумоти расмӣ, дар ҷумҳурӣ ба ҳолати 1 январи соли 2024 4160 нашъаманд сабт шудааст, ки нисбат ба соли 2022 (4381 нафар) 221 нафар ё 5 фоиз камтар аст. Аммо, мутаассифона, аз теъдоди умумии беморони нашъаманд 107 (2022-(101) нафарро занҳо ташкил медиҳанд, ки ин шумора нисбат ба соли 2022 6 нафар зиёд мебошад.
«Ҳамзамон ҷиҳати тарғиби тарзи ҳаёти солим, пешгирӣ ва коҳиш додани сатҳи нашъамандӣ аз ҷониби Агентӣ дар ҳамкорӣ бо вазорату идораҳои дахлдори ҷумҳурӣ ва мақомоти иҷроияи ҳокимияти давлатӣ дар байни қишрҳои гуногуни аҳолии мамлакат вохӯрию суҳбат, машваратҳои омӯзишӣ, ҳамоиш, барномаҳои оммавӣ-фарҳангӣ ва мусобиқаҳои варзишӣ баргузор гардиданд»,- гуфта шуд дар нишасти матбуотӣ.
София ШОИК,
АМИТ «Ховар»
АКС: АМИТ «Ховар»
Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
Дар Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор гардид
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
