Ояндаи наздик Тоҷикистон ва Қирғизистон дар масоили сарҳадӣ ба натиҷаҳои мутақобилан судманд ноил мешаванд
ДУШАНБЕ, 05.02.2024 /АМИТ «Ховар»/. «Ояндаи наздик Тоҷикистон ва Қирғизистон дар масоили сарҳадӣ ба натиҷаҳои қобили қабул ва судманд ноил мешаванд»,-гуфт имрӯз дар Душанбе зимни нишасти матбуотӣ Вазири корҳои хориҷии Ҷумҳурии Қирғизистон Жээнбек Кулубаев, ки бо сафари расмӣ дар Тоҷикистон қарор дорад.
Жээнбек Кулубаев иброз дошт, ки дар мулоқот бо Президенти Ҷумҳурии Тоҷикистон муҳтарам Эмомалӣ Раҳмон чорабиниҳое, ки соли 2024 ба нақша гирифта шудаанд, баррасӣ гардиданд. Ҳоло дар ҷои аввал масъалаи ҳарчи зудтар анҷом додани музокироти ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон оид ба делимитатсия ва демаркатсияи сарҳади давлатӣ меистад, ки бо маром идома дорад».
Вазири корҳои хориҷии Ҷумҳурии Қирғизистон таъкид намуд, ки зимни мулоқот ҳамчунин тазаккур дода шуд, ки Тоҷикистон ва Қирғизистон давлатҳои дӯст ва бародар мебошанд.
«Аҳолии ҷумҳуриҳои мо ҳамеша муносибати дӯстона дошта, бо ҳамдигар муколама ва додугирифти тиҷоратӣ менамуданд. Ин анъанаҳоро боз ҳам инкишоф додан зарур аст. Имрӯз ман дар бораи ниятҳо ва дурнамои мо дар таҳкими ҳамкорӣ суҳбат намудам. Пеш аз ҳама, ирода ва кӯшишҳои президентони ҳам Тоҷикистон Эмомалӣ Раҳмон ва ҳам Қирғизистон Садир Жапаров омили асосии таҳкиму густариши муносибатҳои дуҷониба мебошанд», — гуфт номбурда.
Жээнбек Кулубаев тавзеҳ дод, ки президентҳои ду мамлакат мутмаин мебошанд, ки мушкилоти мавҷуда ҳал ва дар муносибатҳои дуҷонибаи Тоҷикистон ва Қирғизистон саҳифаи нав боз мешавад.
АКС: Хадамоти матбуоти Президенти Ҷумҳурии Тоҷикистон /АМИТ «Ховар»
Сироҷиддин Муҳриддин дар нишасти 4-уми вазирони корҳои хориҷии Муколамаи «Осиёи Марказӣ-Ҳиндустон» иштирок намуд
Тоҷикистону Ҳиндустон ҳамкории фарҳангӣ ва сайёҳиро таҳким мебахшанд
Сироҷиддин Муҳриддин ширкатҳои иштирокдори Шурои соҳибкорони Осиёи Марказӣ ва Ҳиндустонро ба Душанбе даъват намуд
Сироҷиддин Муҳриддин ва Субраҳманям Ҷайшанкар масоили муносибатҳои Тоҷикистону Ҳиндустонро баррасӣ намуданд
Сарвазири Тоҷикистон пешниҳод намуд, ки «Рӯзномаи рақамии ИДМ то соли 2030» таҳия карда шавад
Сарвазири Тоҷикистон: «Кишварҳои ИДМ рушди ҳамкории мутақобилан судманд ва ҳамаҷонибаро тасдиқ намуданд»
Қоҳир Расулзода: «Ҳамкории тиҷоратию иқтисодӣ бо кишварҳои ИДМ яке аз самтҳои афзалиятноки сиёсати хориҷии Тоҷикистон боқӣ мемонад»
Тоҷикистон ба рушди устувори муносибатҳои дуҷониба ва бисёрҷониба бо давлатҳои иштирокдори ИДМ аҳамияти махсус медиҳад
Муовини Раиси Девони вазирони Туркманистон ба Тоҷикистон ташриф овард
Муовини Сарвазири Арманистон ба Тоҷикистон ташриф овард
Қоҳир Расулзода бо Раиси Девони вазирон — Роҳбари Дастгоҳи Президенти Ҷумҳурии Қирғизистон Адилбек Касималиев мулоқот анҷом дод
