Раиси вилояти Хатлон бо фаъолияти Ҷамъияти саҳомии кушодаи «УЭТМ»-и Федератсияи Русия шинос шуд
ДУШАНБЕ, 16.02.2024. /АМИТ «Ховар»/. Раиси вилояти Хатлон Давлаталӣ Саид зимни сафар ба Федератсияи Русия бо фаъолияти Ҷамъияти саҳомии кушодаи «УЭТМ» шинос шуд, хабар медиҳад АМИТ «Ховар» бо истинод ба шуъбаи иттилоотию таҳлилии дастгоҳи Раиси вилояти Хатлон.
Бренди «УЭТМ» яке аз брендҳои маъруфи ҷаҳон буда, дар он таҷҳизоти барқӣ барои тавлид, интиқол, тақсими энергия истеҳсол мешавад, ки дар ҳама гуна шароити иқлими кураи Замин боэътимод кор бурда мешавад.
Таҷҳизоти ҶСК «УЭТМ» дар Русия, Қазоқистон, Беларус, Ҷумҳурии Мардумии Чин, Миср, Австрия, Аргентина, Иёлоти Муттаҳидаи Америка, Бангладеш, Сурия, Туркия, Эрон, Муғулистон ва дигар давлатҳо дастрас ва харидорӣ мешавад.
Раиси вилояти Хатлон бо гурӯҳи корӣ бо роҳбари корхонаи “Уралэлектротяжмаш” дар шаҳри Екатеринбург вохӯрӣ намуда, онҳоро ба ҳамкорӣ бо Ҷамъияти саҳомии кушодаи “Трансформатор”-и шаҳри Бохтар даъват намуд.
Тибқи иттилоъ, ҶСК “Трансформатор”-и шаҳри Бохтар дар як сол ба маблағи то 35 миллион сомонӣ маҳсулот истеҳсол менамояд. Дар он ҳамасола қариб 300 трансформатори гуногунтамға истеҳсол мешавад.
Мутахассисони ҶСК “Трансформатор”-и шаҳри Бохтар дар кори таъмиру навсозии трансформаторҳои таъмирталаб таҷрибаи бойи корӣ доранд. Он трансформаторҳое, ки аз ҷониби шабакаҳои барқии шаҳру ноҳияҳо ба ин коргоҳ ворид мегарданд, сари вақт аз таъмир бароварда мешаванд.
АКС: Шуъбаи иттилоотию таҳлилии дастгоҳи Раиси вилояти Хатлон
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
Дар ҷаласаи Кумитаи байнидавлатии авиатсионӣ ифтитоҳи хатсайрҳои нави ҳавоӣ байни Тоҷикистон ва кишварҳои ИДМ баррасӣ шуд
Раванди татбиқи барномаи иммунопрофилактика ва Консепсияи иқтисоди рақамӣ баррасӣ шуд
Хати магистралии алоқаи «Душанбе–Хоруғ–Қулма» то охири моҳи сентябр ба истифода дода мешавад
Нахустин гурӯҳи роҳбаладони «Shohin Airlines» барои гузаштани омӯзиши касбӣ ба Turkish Aviation Academy фиристода шуд
Дар Душанбе оид ба ҳифзи пиряхҳо дар шароити тағйирёбии иқлим конфронси байналмилалӣ доир шуд
35 СОЛИ СОҲИБИСТИҚЛОЛИИ ТОҶИКИСТОН. Шумораи корхонаҳои парандапарварӣ қариб 11 маротиба бештар шуд
