Абдусалом Белло: «Бонки ҷаҳонӣ рӯзномаи рушди Тоҷикистонро дастгирӣ менамояд»
ДУШАНБЕ, 07.03.2024 /АМИТ «Ховар»/. Имрӯз Президенти Ҷумҳурии Тоҷикистон муҳтарам Эмомалӣ Раҳмон дар шаҳри Душанбе ҳайати Шурои директорони Бонки ҷаҳониро ба ҳузур пазируфтанд.
Пас аз мулоқот директори иҷроияи Гурӯҳи Африқоии II дар Шурои директорони Гурӯҳи Бонки ҷаҳонӣ Абдусалом Белло дар нишасти хабарӣ бо ҳузури хабарнигорони дохиливу хориҷӣ оид ба натиҷаи суҳбат сухан гуфт.
Иттилоъ дода шуд, ки давоми 30 соли охир Гурӯҳи Бонки ҷаҳонӣ бо Тоҷикистон ҳамкории устувор дошта, барномаи рушди мамлакатро дастгирӣ намудааст.
«Бонк барои дастгирии рӯзномаи рушди Тоҷикистон қарзҳо, грантҳо ва маблағгузории фондҳои трастӣ пешниҳод намудааст, — иброз дошт Абдусалом Белло. — Имрӯз маблағи умумии лоиҳаҳоии амалишуда дар Тоҷикистон 2,8 миллиард доллари ИМА-ро ташкил медиҳад».
Таъкид гардид, ки ҳамкории Гурӯҳи Бонки ҷаҳонӣ бо Тоҷикистон соҳаҳои муҳим, аз қабили рушди сармояи инсонӣ, устуворӣ ва тағйирёбии иқлим, ҳамбастагии иҷтимоӣ, таҳкими иқтидори институтсионалӣ, расонидани хадамоти давлатӣ ва рушди бахши хусусиро дар бар мегирад.
Ба гуфтаи ӯ, зимни мулоқот ҷонибҳо аҳамияти сармоягузорӣ ба сармояи инсонӣ ва нигоҳ доштани суръат дар ислоҳотро, ки фазои соҳибкорӣ ва самаранокии ниҳодҳои давлатиро ҳамчун муҳаррики рушди устувор ва иқтисодӣ беҳтар менамояд, таъкид намуданд.
Дар охир Абдусалом Белло аз номи ҳайати Шурои директорони Бонки ҷаҳонӣ ба Президенти Ҷумҳурии Тоҷикистон муҳтарам Эмомалӣ Раҳмон барои меҳмоннавозӣ ва мулоқот миннатдории самимӣ баён намуд.
АКС: Хадамоти матбуоти Президенти Ҷумҳурии Тоҷикистон / АМИТ «Ховар»
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Тоҷикистон ва Узбекистон дар соҳаи идоракунии захираҳои об таҷрибаи якдигарро меомӯзанд
Дар Душанбе ҷаласаи 20-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ баргузор шуд
Маттео Патроне: «Бонки аврупоии таҷдид ва рушд дар Тоҷикистон лоиҳаҳои гуногунро дар соҳаи энергетика ва бахши хусусӣ амалӣ менамояд»
Президенти Ҷумҳурии Тоҷикистон Эмомалӣ Раҳмон бо Ноиби Президенти Бонки аврупоии таҷдид ва рушд Маттео Патроне мулоқот намуданд
Дар Форуми ҷаҳонии сармоягузорӣ самтҳои афзалиятноки рушди иқтисоди Тоҷикистон муаррифӣ гардиданд
Намояндагони Хадамоти гумруки Тоҷикистон таҷрибаи Нидерландияро дар истифодаи зеҳни сунъӣ омӯхтанд
Байни Хадамоти алоқа ва «Хуавей технологии Тоҷикистон» Ёддошти тафоҳум оид ба рушди технологияҳои 5G-A ва 6G ба имзо расид
ҚУРБИ АСЪОР: 1 евро аз 10.1500 то 10.3281 сомонӣ муқаррар шудааст
Дар ноҳияҳои Тоҷикобод ва Лахш оид ба пешгирии амалҳои коррупсионӣ вохӯриҳо баргузор шуданд
Тоҷикистон ва Қатар ҳамкориро дар самти фаъолияти хайриявӣ ва башардӯстона тақвият медиҳанд
Форум оид ба алоқаи мобилии насли панҷум– 5G баргузор шуд
