Ҳайати Вазорати маориф ва илми Тоҷикистон бо мақсади табодули таҷриба ба Қазоқистон сафар намуд
ДУШАНБЕ, 12.03.2024. /АМИТ «Ховар»/. Гурӯҳи кории Вазорати маориф ва илми Ҷумҳурии Тоҷикистон ва сохторҳои тобеъ бо раҳбарии муовини Вазири маориф ва илм Зиёдулло Абдулзода бо мақсади табодули таҷриба ва шиносоӣ бо вазъи таълиму тарбия ба Ҷумҳурии Қазоқистон сафар намуд. Дар ин хусус ба АМИТ «Ховар» дар маркази матбуоти Вазорати маориф ва илми Ҷумҳурии Тоҷикистон хабар доданд.
Зимни сафар мулоқоти гурӯҳи корӣ бо муовини якуми Вазири маорифи Ҷумҳурии Қазоқистон доир шуда, дар он масъалаҳои низоми таҳсилоти миёнаи умумӣ, ислоҳоти соҳаи маориф, табодули таҷриба ва вазъи таълиму тарбия баррасӣ гардид.
Ҳамзамон гурӯҳи корӣ бо фаъолияти Академияи миллии таҳсилоти Ҷумҳурии Қазоқистон ба номи Ибрай Алтинсарин шинос шуд. Дар Академия аз ҷониби масъулин оид ба таҳияи стандарту барномаҳои фаннӣ, китобҳои дарсӣ, фанҳои дақиқ ва таҳсилоти фарогир маълумот дода шуда, доир ба такмили таҳсилоти умумӣ, самтҳои асосии фаъолияти Маркази ташхиси адабиёти таълимӣ, бознигарии мазмуни таҳсил ва арзёбии дониши хонандагон суҳбату машварат доир гардид.
Дар охир Ёддошти тафоҳум оид ба ҳамкорӣ байни Академияи таҳсилоти Тоҷикистон ва Академияи миллии таҳсилоти Ҷумҳурии Қазоқистон ба имзо расонида шуд.
Ёдовар мешавем, ки гурӯҳӣ корӣ бо сафари расмӣ дар Ҷумҳурии Қазоқистон ҳузур дошта, зимни он бо вазъи таълиму тарбия дар муассисаҳои таълимии Ҷумҳурии Қазоқистон шинос мешавад.
АКС: Маркази матбуоти Вазорати маориф ва илми Ҷумҳурии Тоҷикистон
Имсол дар Тоҷикистон чӣ қадар боғҳои нав бунёд гардиданд?
Дар шаҳри Норак ҳашари экологии «Тозагии обанбор» баргузор гардид
Имрӯз дар Тоҷикистон ҳаво то 32 дараҷа гарм мешавад
Президенти Ҷумҳурии Тоҷикистон Эмомалӣ Раҳмон ба Кантслери федералии Ҷумҳурии Федеративии Олмон Фридрих Мерс барқияи табрикӣ ирсол намуданд
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
