Ҷашни байналмилалии Наврӯзро дар Ашқобод бошукуҳ таҷлил намуданд
ДУШАНБЕ, 21.03.2024 /АМИТ «Ховар»/. Дар Сафорати Ҷумҳурии Тоҷикистон дар Туркманистон бо иштироки намояндагони корпуси дипломатии муқими кишвари иқомат, меҳмонон, ҳамватанон ва кормандони намояндагӣ ҷашни байналмилалии Наврӯз таҷлил шуд. Дар ин хусус АМИТ «Ховар» бо истинод ба Сафорати Ҷумҳурии Тоҷикистон дар Туркманистон хабар медиҳад.
Дар чорабинии идона гӯшаи фарҳангӣ бо хӯроку шириниҳои лазизи наврӯзӣ ва хони ҳафтсину ҳафтшин ороста шуда, намунаҳои либосҳои миллӣ, аз қабили сӯзаниву гулдӯзӣ, асарҳои кулолӣ, асбоби мусиқӣ ва ҳунарҳои дастии қадимии мардумӣ ба намоиш гузошта шуданд.
Сафири Фавқулода ва Мухтори Ҷумҳурии Тоҷикистон дар Туркманистон Вафо Ниятбекзода оид ба сиёсати хирадмандона ва заҳмату талошҳои пайгиронаи Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои мақоми байналмилалӣ гирифтани Наврӯз ибрози назар намуд.
Ҳамзамон бобати муаррифии арзишҳои миллӣ, риояи суннатҳои анъанавии ҷашни бостонии ниёгон, бахусус хислатҳои нексириштӣ ва башардӯстию сулҳпарваронаи Наврӯз дар раванди ҷаҳонишавии он сухан гуфта шуд.
Дар қисми фарҳангии чорабинӣ фарзандони ҳамватанон ва дипломатон бо қироати шеъру сурудҳои баҳорию наврӯзӣ хотири иштирокдоронро болида гардониданд.
АКС: Сафорати Ҷумҳурии Тоҷикистон дар Туркманистон
Намояндаи Тоҷикистон бо Раиси Шурои иқтисодӣ ва иҷтимоии Созмони Милали Муттаҳид мулоқот намуд
Дар Душанбе ҷаласаи Комиссияи миллии Ҷумҳурии Тоҷикистон оид ба корҳои ЮНЕСКО баргузор гардид
Масъалаҳои афзалиятноки ҳамкории Тоҷикистону Олмон дар соҳаи иқтисод баррасӣ гардиданд
Дар Анқара рушди ҳамкории иқтисодию тиҷоратии Тоҷикистон ва Туркия баррасӣ гардид
Ҷаласаи раёсати Комиссияи миллии Ҷумҳурии Тоҷикистон оид ба корҳои ЮНЕСКО оғоз гардид
Дар Душанбе ҳамкории Тоҷикистон ва Иёлоти Муттаҳидаи Амрико баррасӣ гардид
Дар шаҳри Берлин муколамаи сиёсӣ байни Тоҷикистон ва Олмон баргузор гардид
Сафири Тоҷикистон бо мудири кулли Вазорати корҳои аврупоӣ ва хориҷии Австрия мулоқот намуд
«ТОҶИКИСТОН — ВАТАНИ АЗИЗИ МАН». Дар ин озмуни ҷумҳуриявӣ киҳо иштирок карда наметавонанд?
ПЕШВОИ МИЛЛАТ — ЭҲЁГАРИ НАВРӮЗ. Пас аз Истиқлоли давлатии Тоҷикистон Наврӯз дар сатҳи байналмилалӣ ҷойгоҳ пайдо намуд
Ҳайати Тоҷикистон дар Ҳамоиши ҳамкории кишварҳои Осиёи Марказӣ-Ҷумҳурии Корея дар соҳаи маориф иштирок намуд
Сафири Тоҷикистон дар Австрия бо ҳамватанони бурунмарзии муқими шаҳри Вена мулоқот намуд
