Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
ДУШАНБЕ, 29.03.2024 /АМИТ «Ховар»/. Дар Вилояти Мухтори Кӯҳистони Бадахшон масъалаи танзими ҳаракати нақлиёти ҷамъиятӣ ва таъмири роҳҳои дорои аҳамияти маҳаллӣ баррасӣ гардид. Дар ин хусус АМИТ «Ховар» бо истинод ба Мақомоти иҷроияи ҳокимияти давлатии Вилояти Мухтори Кӯҳистони Бадахшон хабар медиҳад.
Раиси вилоят таъкид дошт, ки ҳамасола аз буҷети Ҳукумати Ҷумҳурии Тоҷикистон ва вилоят барои таъмири роҳҳо маблағи муайян ҷудо мегардад, ки он бояд мақсаднок истифода шавад. Бо дастгирии Ҳукумати мамлакат, хосса Пешвои миллат муҳтарам Эмомалӣ Раҳмон шоҳроҳи Душанбе-Хоруғ-Кулма навсозӣ гардида, имрӯзҳо кор дар ин самт аз маркази ноҳияи Дарвоз то даромадгоҳи ноҳияи Рӯшон бо маром идома дорад. Ҳоло марҳила ба марҳила роҳҳои ҳудуди вилоят пурра навсозӣ мегарданд.
Дар робита ба ин раисони шаҳру ноҳияҳо муваззаф гардиданд, ки роҳҳои дорои аҳамияти маҳаллиро дар доираи имконияташон таъмир намуда, ба рафту омади сокинон ба маркази вилоят ва ноҳияҳо мусоидат намоянд.
Иброз гардид, ки солҳои минбаъда роҳҳои ноҳияҳо низ бо дастгирии Ҳукумати Ҷумҳурии Тоҷикистон пурра навсозӣ мегарданд.
Раис вилоят масъулини Раёсати Хадамоти назорат ва танзим дар соҳаи нақлиёти вилоят, Корхонаи воҳиди давлатии «Нақлиёти автомобилӣ ва хизматрасонии логистикӣ» ва шуъбаи зиддиинҳисориро вазифадор намуд, ки барои танзими нархи роҳкиро дар хатсайрҳои амалкунанда чораҷӯӣ намоянд.
Ҳамзамон барои вусъат додани корҳои ободониву созандагӣ, сабзазоркунӣ ва тоза намудани атрофи роҳҳо, инчунин дар ҳар ноҳия дар шафати роҳҳо шинонидани дарахтони ороишӣ ва сояафкан дастур дода шуд.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
