Дар Душанбе дар доираи татбиқи «Барномаи давлатии муқовимат ба ҷинояткорӣ дар Ҷумҳурии Тоҷикистон барои солҳои 2021-2030» ҳамоиш доир шуд
ДУШАНБЕ, 04.03.2024. /АМИТ «Ховар»/. Имрӯз дар Донишгоҳи миллии Тоҷикистон дар доираи татбиқи «Барномаи давлатии муқовимат ба ҷинояткорӣ дар Ҷумҳурии Тоҷикистон барои солҳои 2021-2030» ҳамоиши илмӣ-назариявӣ баргузор гардид, хабар доданд ба АМИТ «Ховар» дар Донишгоҳи миллии Тоҷикистон.
Ҷамъомади илмиро ректори донишгоҳ, узви вобастаи Академияи миллии илмҳои Тоҷикистон, доктори илмҳои ҳуқуқшиносӣ, профессор Эмомалӣ Насриддинзода оғоз бахшида, муҳимияти барномаро аз чандин паҳлуҳо дар робита ба самти таълиму тарбия дар қолаби оммафаҳми илмӣ шарҳу тавзеҳ дод.
Таъкид шуд, ки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар марҳилаҳои нави давлатсозиву давлатдорӣ баланд гардидани сатҳи маърифати ҳуқуқии аҳли ҷомеаро шарти асосии пешрафту ташаккул ва бақои давлатдории миллӣ арзёбӣ менамоянд. Пешвои миллат муҳтарам Эмомалӣ Раҳмон ҳамчун сиёсатмадори ботаҷриба нуктаҳои ҳассосу нозукро дар сиёсати кунунии ҷаҳонӣ дарк менамоянд. Ин ҳамоиш низ дар партави ҳамин сиёсат ҷараён пайдо намуд.
Гуфта шуд, ки дар ҳақиқат Донишгоҳи миллӣ субъекти асосии татбиқкунанда ва иҷрокунандаи барномаву стратегияҳои зиёд ба шумор меравад. Барои ин заминаи илмӣ, техникӣ, зеҳнӣ вуҷуд дорад. Ректори донишгоҳ иброз дошт, ки Барномаи давлатии муқовимат ба ҷинояткорӣ дар Ҷумҳурии Тоҷикистон барои солҳои 2021-2030 дарозмуддат буда, зина ба зина амалӣ намудани он вазифаи қишри зиёии ҷомеа ба шумор меравад.
«Имрӯз аз ҷониби давлату ҳукумат 29 барнома ва 27 санади қабулшуда ҳамчун заминаи ояндасози ҷомеаи маданӣ маълуму мушаххас гардидаанд», -таъкид намуд ӯ.
Дар анҷоми ҳамоиш фикру хулоса ва пешниҳоду таклифҳои онҳо шунида шуд.
АКС: Донишгоҳи миллии Тоҷикистон
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
Дар Донишгоҳи байналмилалии сайёҳӣ ва соҳибкорӣ дар ҳошияи иштироки Президенти Тоҷикистон дар Саммити СММ ҳамоиши илмӣ баргузор шуд
