Дар Душанбе китоби «Чашмаи меҳр»-и Исматулло Холиқов рӯнамоӣ гардид
ДУШАНБЕ, 06.03.2024 /АМИТ «Ховар»/. Дар Душанбе китоби «Чашмаи меҳр»-и Ҳунарпешаи шоистаи Тоҷикистон Исматулло Холиқов рӯнамоӣ гардид, хабар медиҳад АМИТ «Ховар» бо истинод ба Муассисаи давлатии «Маркази кӯдакон ва наврасони шаҳри Душанбе».
Дар робита ба ин дар пойтахт ҳамоиш баргузор гардид, ки дар он Вазири фарҳанги Ҷумҳурии Тоҷикистон Матлубахон Сатториён ва намояндагони аҳли фарҳангу санъати тоҷик иштирок ва изҳори андеша намуданд.
Таъкид гардид, ки имрӯз мактабҳои мусиқии мамлакат ба чунин дастурҳои касбии таълимӣ ниёз доранд. Нашри китоби «Чашмаи меҳр» метавонад то ҷое ин фазои холиро пур намояд.
Тазаккур дода шуд, ки Исматулло Холиқов на танҳо ҳамчун овозхон, балки оҳангсоз ва тарбиятгари насли ҷавон низ буда, дар ин самт хидматҳои шоиста анҷом додааст. Имрӯз ҳам дар ин ҷода бо дилгармӣ фаъолият дорад ва пайваста суруду оҳангҳои тоза ба тоза, ки мазмуни баланди ватандорӣ, муҳаббат ба муқаддасоти мамлакати ҳамешабаҳор, ёру диёр, арҷ гузоштан ба ҷойгоҳи баланди зан-модар доранд, эҷод менамояд.
Маврид ба тазаккур аст, ки Исматулло Холиқов дар рушди санъати мусиқии тоҷик хидмати босазо ва шоистаро ба анҷом мерасонад.
АКС: Муассисаи давлатии «Маркази кӯдакон ва наврасони шаҳри Душанбе»
Намоишномаи мазҳакавии таҳти унвони «Хоҳ биёӣ, хоҳ наё» дар Москва ба саҳна гузошта шуд
Ҳайти эҷодии Тоҷикистон дар Фестивали V байналмилалии театрӣ дар Ашқобод ҳунари миллии театриро муаррифӣ намуд
Бузургтарин ситораҳои санъати Тоҷикистон дар Театри ба номи Лоҳутӣ тарбия ёфтаанд
РӮЗИ ТЕАТРИ ТОҶИК. Дар Тоҷикистон беш аз 20 театри халқӣ фаъолият мекунад
Дар Душанбе бахшида ба Рӯзи театр ҳамоиш доир гардид
Дар Душанбе намоиши асарҳои рассомони Тоҷикистону Чин доир гардид
Одил Дониш аз Осорхонаи миллии Тоҷикистон боздид намуд
Ҳаракати фарҳангии «Корвони китоб» дар минтақаи Кӯлоб идома дорад
Дар Донишкадаи давлатии фарҳанг ва санъат оид ба нақши фарҳангу санъат дар муносибатҳои байналмилалӣ ҳамоиш баргузор гардид
Ҷилди панҷуми китоби «Таърихи халқи тоҷик» рунамоӣ гардид
«ТОҶИКИСТОН-ВАТАНИ АЗИЗИ МАН». Дар ҳашт сол шумораи иштирокчиёни озмун ба беш аз 33 ҳазор нафар расидааст
Доир ба таъриху фарҳанги Кӯшониён конфронси ҷумҳуриявӣ баргузор шуд
