Бахшида ба Рӯзи байналмилалии ҳимояи ҳуқуқи истеъмолкунандагон дар шаҳри Кӯлоб конференсия доир гардид
КӮЛОБ, 15.03.2024. /АМИТ «Ховар»/. Ба муносибати Рӯзи байналмилалии ҳимояи ҳуқуқи истеъмолкунандагон дар шуъбаи минтақавии Бонки миллии Тоҷикистон дар шаҳри Кӯлоб конференсия баргузор гардид, ки дар он роҳбарияти шуъбаи минтақавии Бонки миллии Тоҷикистон дар шаҳри Кӯлоб, Раёсати Хадамоти зиддиинҳисории назди Ҳукумати Ҷумҳурии Тоҷикистон дар вилояти Хатлон, соҳибкорону намояндагони ташкилоти қарзӣ, инчунин роҳбарони хоҷагиҳои деҳқонӣ ва намояндагони ташкилоту муассисаҳои буҷетӣ иштирок намуданд.
Дар конференсия таъкид карда шуд, ки дар асоси Қарордоди Ассамблеяи генералии Созмони Милали Муттаҳид аз 9 апрели соли 1985 ва қарори ҷаласаи нахустини Шурои машваратӣ оид ба ҳимояи ҳуқуқи истеъмолкунандагон дар давлатҳои аъзои Иттиҳоди Давлатҳои Мустақил аз 25 ноябри соли 2011 ҳамасола дар ҷаҳон 15 март Рӯзи байналмилалии ҳимояи ҳуқуқи истеъмолкунандагон маҳсуб мешавад.
Ҳамчунин гуфта шуд, ки дар самти ҳимояи ҳуқуқи истеъмолкунандагон қонуни Ҷумҳурии Тоҷикистон «Дар бораи ҳимояи ҳуқуқи истеъмолкунандагон» амал менамояд, ки муносибати байни истеъмолкунандагон ва истеҳсолкунандагон, иҷрокунандагон, фурӯшандагонро ҳангоми фурӯши мол, иҷрои кор ва хизматрасонӣ ба танзим дароварда, ҳуқуқи истеъмолкунандагонро барои хариди моли дорои сифати муносиб ва барои ҳаёту саломатии истеъмолкунандагон бехатар, гирифтани маълумот оид ба мол ва истеҳсолкунандагони он, ҳимояи давлатӣ ва ҷамъиятии манфиати онҳо муқаррар ва тарзи татбиқи ин ҳуқуқҳоро муайян менамояд.
Дар конференсия ҳамчунин, доир ба ҳадаф, ваколатҳо ва сохтори Хадамоти зиддиинҳисории назди Ҳукумати Ҷумҳурии Тоҷикистон дар самти ҳимояи ҳуқуқи истеъмолкунандагон ва Қонуни Ҷумҳурии Тоҷикистон «Дар бораи ҳимояи ҳуқуқи истеъмолкунандагон» , оид ба ваколатҳои Бонки миллии Тоҷикистон дар самти ҳимояи ҳуқуқҳои истеъмолкунандагон, хизматрасонии молиявӣ, воситаҳо, ҳисобот ва санадҳои меъёрии ҳуқуқии дар ин самт амалкунанда, инчунин дар бораи қаллобони интернетӣ, ки тариқи расонаҳои иҷтимоӣ худро реклама намуда, сокинонро фиреб медиҳанд, ибрози андеша карда шуд.
Дар идомаи ҳамоиш ба иштирокчиёни конференсия аз тариқи видеопроектор роликҳои кӯтоҳ дар мавзуи муроҷиат ба Раёсати Хадамоти зиддиинҳисории назди Ҳукумати Ҷумҳурии Тоҷикистон пешниҳод карда шуданд.
АКС: АМИТ «Ховар»
Аз ҳавзаи якмандатии Исфара, №20 номзад ба вакилии Маҷлиси намояндагони Маҷлиси Олии Ҷумҳурии Тоҷикистон пешбарӣ гардид
Бозорҳо, хатсайрҳо, терминалҳо: МегаФон Тоҷикистон шабакаи толорҳои алоқаи худро васеъ намуд
ҲХДТ дар ҳавзаи интихоботии якмандатии Муъминобод, №38 номзад пешниҳод намуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Мулоқоти сеҷонибаи сарвазирони Тоҷикистон, Узбекистон ва Қирғизистон баргузор гардид
Сӯхтори ҷангал дар Калифорния беш аз 300 гектарро фаро гирифтааст
Лондон аз рӯи танбашавии нақлиёт байни шаҳрҳои Аврупо дар ҷойи якум қарор гирифт
Дар натиҷаи заминларза дар Ситсзан дар ҷанубу ғарби Чин 126 нафар ҳалок гардид
Имрӯз дар ноҳияҳои алоҳидаи кӯҳии Тоҷикистон барф меборад
Фаронсаро тӯфони «Флориан» фаро гирифтааст
ИНТИХОБОТИ ВАКИЛОНИ ХАЛҚ-2025. Панҷ комиссияи ҳавзавии интихобот оид ба интихоботи аъзои Маҷлиси миллии Маҷлиси Олии Ҷумҳурии Тоҷикистон таъсис дода шуд
Дар натиҷаи заминларза дар Чин 95 нафар ҳалок гардида, 130 нафар захмӣ шуданд
